Տոտալով խաղադրույքներ. «Դինամո Զագրեբ» — «Յուվենթուս», «Աթլետիկո Մադրիդ» — «Բավարիա»

«Դինամո Զագրեբ» — «Յուվենթուս»

H խմբում առաջին տուրից հետո առաջատարը «Լիոնն» է: «Սևիլիայի» հետ գոլազուրկ ոչ-ոքիից հետո Իտալիայի չեմպիոնը Զագրեբում ետնապահի դեմ միավորներ կորցնելու իրավունք չունի, այլապես կարող է իրավիճակը կտրուկ բարդացնել:

Մոտիվացիայի տեսանկյունից երկու թիմերի մոտ էլ ամեն ինչ կարգին է: «Դինամոն» խաղալու է սեփական երկրպագուների աջակցությամբ, իսկ «Ծեր Սինյորան» Զագրեբ է մեկնում 3 միավոր վաստակելու համար: Թիմային խաղով ու ֆուտբոլիստների անհատական վարպետությամբ իտալացիները մի գլուխ բարձր են իրենց մրցակցից:

Արժե գոլառատ ու դիտարժան խաղ սպասել: «Դինամոն» սեփական հարկի տակ վերջերս միշտ գոլ է խփում, իսկ «Յուվեն», ունենալով ուժեղ հարձակման գիծ, կարող է մի քանի անգամ տխրեցնել տանտերերին: Իտալական ակումբին հաղթանակ է պետք: Մեկնարկային տուրի գոլազուրկ խաղից հետո Ալեգրիի թիմը անհամեմատ ավելի թույլ մրցակցի դեմ խաղում կփորձի ամեն կերպ հագեցնել գոլային ծարավը: Առաջարկում ենք «տոտալ 2,5-ից շատ գոլ» խաղադրույքը: Գործակիցը 1,63 է:

«Աթլետիկո Մադրիդ» — «Բավարիա»

Մադրիդում ուժերը կչափեն D խմբի երկու առաջատարները: Սիմեոնի թիմի մարտավարությունը չի փոխվի: «Աթլետները» կփակվեն պաշտպանությունում և իրենց շանսը կփնտրեն արագ հակագրոհների ժամանակ: Թիմերի վերջին հանդիպումները ֆուտբոլասերները լավ են հիշում: ՉԼ-ի նախորդ խաղարկության կիսաեզրափակչում Սիմեոնեի թիմը նախ տանը նվազագույն հաշվով հաղթանակ տարավ, այնուհետև Մյունխենում 1:2 ձեռնտու հաշվով զիջեց «Բավարիային»:

Բուքմեյքերները գոլառատ հանդիպում չեն ակնկալում: Հզոր գերմանացիների դեմ «աթլետները» առաջին հերթին կփորձեն անառիկ պահել սեփական դարպասը, իսկ դա մադրիդցիների մոտ հրաշալի է ստացվում: Եթե կողմերից մեկը հաղթի, ապա ամենայն հավանականությամբ դա կանի 1 գնդակի տարբերությամբ: Առաջարկում ենք «տոտալ 2,5-ից քիչ գոլ» խաղադրույքը: Գործակիցը 1,57 է: