«Տորինո» – «Յուվենտուս». Ռոբերտ Գասպարյանի կանխատեսումը
Իտալիայի առաջնության 7-րդ տուրում տեղի կունենա Թուրինի դերբին «Յուվենտուսի» ու «Տորինոյի» միջև: Եթե հաշվի առնենք թիմերի մարզավիճակը, միանշանակ, Ապենինյան թերակղզու հյուսիային գլխավոր քաղաքում կայանալիք «Դերբի դելա Մոլենի» ֆավորիտի հարցում ընտրություն կատարելը բարդ կլինի:
Այո, «Տորինոն» մրցաշրջանի առաջին երկու խաղում պարտություն կրեց։ Բայց հաջորդիվ Իվան Յուրիչի տղաները հավաքվեցին ու կարողացան խելքի գլխին արդյունք ապահովել։ Վերջին 2 խաղում «Ցլերը» կարող էին հաղթել, սակայն անհասկանալի կերպով բաց թողեցին 6 միավորը՝ փոխարենը բավարարվելով 2-ով։ «Լացիոյի» ու «Վենեցիայի» հետ խաղերում «Տորինոն» հաղթում էր 1:0 հաշվով, բայց վերջին րոպեներին կորցրեց զգոնությունն ու հիմա ստիպված է տեղավորվել մրցաշարային աղյուսակի առաջին տասնյակի վերջում։
«Յուվենտուսի» վիճակն ավելի ահավոր է։ Մաքս Ալեգրիի տղաներն իրենց առաջին հաղթանակն Ա Սերիայում տարան միայն նախորդ շաբաթվա ընթացքում՝ մեծագույն ջանքերի գնով կոտրելով «Սպեցիայի» ու «Սամպդորիայի» դիմադրությունը։ Փոխարենը, Չեմպիոնների լիգայում «Ծեր Սինյորան» վատ տեսք չունի. Թուրինում հյուրընկալված զորեղ «Չելսին» ոչինչ անել չկարողացավ։
Առաջիկա խաղում «Յուվեն» կլիներ ֆավորիտ, եթե լազարեթում մարդաշատ չլիներ։ Հայտացուցակից, միանշանակ, կբացակայեն Մորատան ու Դիբալան։ Արգենտինացին, գուցե, այս տարի այլևս դաշտ դուրս չգա։ «Ցլերի» առաջատար Անդրեա Բելոտին շարունակում է ապաքինվել ու քաղաքային դերբիին դժվար պատրաստ լինի։ Այնուամենայնիվ, կարծում եմ, որ այս խաղում «Տորինոն» չի պարտվի։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: