Ճապոնիա – Խորվաթիա։ Ռոբերտ Գասպարյանի կանխատեսումը
Աշխարհի առաջնության մեկնարկից առաջ Խորվաթիայի ու Ճապոնիայի հավաքականի երկրպագուներն, իհարկե, հավատում էին, որ ի զորու են հաղթահարել խմբային փուլի արգելքը, սակայն քառորդ եզրափակիչի մասին խոսակցություն չկար։ Խորվաթները նախորդ Մունդիալից հետո արմատապես չեն փոխել իրենց կազմը, սակայն 4 տարվա համեմատ եզրափակիչին մասնակցած ֆուտբոլիստներն, իհարկե, մեծացել են։ Խմբային փուլում խորվաթների ճակատագիրը որոշեց վերջին տուրի խաղը, որտեղ, հանուն արդարության պետք է նշել, որ Բելգիան պիտի հաղթեր 2-3 գնդակի առավելությամբ։ Բայց Ռոմելու Լուկակուն այդ օրը որոշել էր խաղալ Խորվաթիայի օգտին։ Գործնականում խորվաթները միայն մեկ խաղում են ցույց տվել իրենց ֆուտբոլը՝ երկրորդ տուրում հաղթելով Կանադային 4։1 հաշվով։
Խորվաթների ֆոնին Ճապոնիան այս Մունդիալի ամենահամարձակ թիմերից էր, եթե չասենք ավելին։ Գերմանիային առաջին տուրում ծնկի բերելը մի շարք մասնագետներ որակեցին պատահականություն, երկրորդ տուրում անհամեմատ ավելի թույլ Կոստա-Ռիկային պարտվելը՝ օրինաչափություն, իսկ երրորդ տուրի խաղում Իսպանիայից պարտությունը՝ անխուսափելի։ Սակայն «Ֆուրիա Ռոխայի» հետ խաղը ստացվեց ամենակասկածելիներից մեկը։ Ամբողջ խաղի ընթացքում գործնականում ոչինչ ցույց չտալով՝ Իսպանիան պարտվեց 1։2 հաշվով՝ խմբում առաջին տեղը զիջելով «Ծագող արևի երկրի» ներկայացուցիչներին։
Իմ կարծիքով Իսպանիայի հավաքականի նկատմամբ այդ «հաղթանակին» լուրջ վերաբերվել պետք չէ։ Միևնույն ժամանակ խորվաթների՝ խմբային փուլում ցուցադրած անատամ ֆուտբոլը գոլառատ ու գրավիչ խաղի հույս չի ներշնչում։ Չեմ կարող ասել՝ ով է հաղթելու, սակայն գրեթե վստահ եմ, որ լինելու է սակավագոլ խաղ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: