Սուպերէքսպրեսս ուիքենդի համար. խաղում ենք 23,7 գործակցով
«Բորուսիա Դորտմունդ» — «Հանովեր»
Այս խաղում դորտմունդյան ակումբը բացահայտ ֆավորիտ է: Առաջնությունում երկրորդ տեղում ընթացող թիմը տանը մրցելու է ետնապահ «Հանովերի» հետ: «Հանովերը» Բունդեսլիգայի վերջին 6 խաղերում պարտվել է, իսկ նախորդ 3 արտագնա խաղերում չի կարողացել գրավել մրցակիցների դարպասը: «Բորուսիան» իր հերթին վերջին երկու խաղերում գոլ բաց չի թողել: Հետեւաբար, ճգնաժամի մեջ գտնվող «Հանովերը» դժվար թե «Սիգնալ Իդունա Պարկում» կարողանա խոցել Ռոման Բյուրկիի պաշտպանած դարպասը: Այդ պատճառով այս հանդիպման վերաբերյալ մեր խաղադրույքն է ««Բորուսիայի» «չոր» հաշվով հաղթանակը»:
«Էվերթոն» — «Վեսթ Բրոմ»
Այստեղ եւս ֆավորիտը տանտերերն են: «Էվերթոնը» լավ մարզավիճակ է հավաքել ու վերջին 3 խաղերում հաղթել է միեւնույն 3:0 հաշվով: «Վեսթ Բրոմն» արդեն 7 խաղ շարունակ չի կարողանում հաղթել Պրեմիեր լիգայում: Բացի այդ, մի քանի օր առաջ թիմը Անգլիայի գավաթի շրջանակներում մրցակցի հարկի տակ ծանր հանդիպում անցկացրեց Չեմպիոնշիփը ներկայացնող «Պիտերբորոյի» հետ եւ միայն հետխաղյա 11-մետրանոց հարվածաշարով կարողացավ վաստակել հաջորդ փուլի ուղեգիրը: Այդ փաստն ավելի է մեծացնում «Էվերթոնի» հաղթանակի շանսերը: Այս խաղի համար առաջարկում ենք պարզապես խաղադրույք կատարել տանտերերի մաքուր հաղթանակի վրա:
«Ռեալ Մադրիդ» — «Աթլետիկ Բիլբաո»
Ականատես ենք լինելու իսպանական կլասիկոյի: Բայց այս անգամ դժվար թե համառ պայքար ընթանա: «Ռեալը» հիասքանչ ֆուտբոլ է խաղում սեփական հարկի տակ, իսկ «Աթլետիկը» «Բարսելոնայից» կրած ապտակներից դեռ այդքան էլ ուշքի չի եկել: Առաջարկում ենք խաղադրույք կատարել առաջին խաղակեսում եւ ընդհանուր ողջ հանդիպմանը «Ռեալի» հաղթանակի վրա: Զիդանի գլխավորությամբ «Ռեալը»` հատկապես սեփական հարկի տակ, սիրում է բոլոր հարցերը լուծել առաջին կեսում: Բացի այդ, «Ռեալը» «Աթլետիկի» հետ շատ հաջող է գործում տնային խաղերում: Բասկերի դեմ վերջին 11 տնային խաղերում «Ռեալը» նույնքան հաղթանակ է տարել եւ այդ խաղերի մեծ մասում «սերուցքայինները» խոշոր հաշվով հաղթանակներ են տարել: Հետեւաբար, վերոնշյալ խաղադրույքի հավանականությունը շատ մեծ է:
ՊՍԺ — «Լիլլ»
Առաջիկա երեքշաբթի փարիզյան ակումբին սպասվում է «Չելսիի» դեմ տնային հանդիպումը: Հաշվի առնելով այդ հանդիպումը` Լորան Բլանը կփորձի առանց մեծ ուժեր ծախսելու հաղթանակ տանել «Լիլլի» նկատմամբ: ՊՍԺ-ն սեփական հարկի տակ մշտապես երկու եւ ավելի գոլ է խփում, իսկ «Լիլլը» կանոնավոր կերպով գնդակներ է բաց թողնում: Եթե չլիներ «Չելսիի» դեմ հանդիպումը, ապա կառաջարկեինք ՊՍԺ-ի հաղթանակ ու ՏՇ 2,5 գոլ տարբերակը, բայց այս պարագայում ընտրել ենք նույն խաղադրույքը, բայց ՏՇ 1,5 գոլ տարբերակով:
«Ֆիորենտինա» — «Ինտեր»
Սկզբունքային հանդիպում է: Խաղալու են եվրագավաթային ուղեգրերի համար պայքարող թիմերը: Թիմերի միջեւ միավորների տարբերությունը 1 է: Բայց ներկա պահին ավելի լավ տեսք ունի «Ֆիորենտինան»: «Ինտերը» ճգնաժամի մեջ է, Չի կարողանում հաղթել «Կարպիի» ու «Վերոնայի» պես թիմերին, իսկ միլանյան դերբիում կրած խոշոր հաշվով պարտությունը իսկական ապտակ էր Մանչինիին ու թիմի ֆուտբոլիստներին: Ճիշտ է` «Ֆիորենտինան» այժմ մրցաշրջանի մեկնարկում ցույց տված ֆուտբոլը չի խաղում, բայց թիմը համեմատաբար ավելի լավ վիճակում է ու խաղալու է սեփական հարկի տակ:
Բացի այդ, «Ֆիորենտինան» վերջին 3 խաղերում հաղթել է «Ինտերին»` ընդ որում երկուսը խոշոր հաշվով: «Մանուշակների» հաղթանակը բավականին բարձր է գնահատվում եւ պետք է օգտվել բուքմեյքերների այս առատաձեռնությունից: Այս խաղի համար առաջարկում ենք «Ֆիորենտինայի» մաքուր հաղթանակը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: