Սուպերէքսպրես ուիքենդի համար. Խաղում ենք 13.0 գործակցով
Լոնդոնի «Չելսին» բոլորովին վերջերս «Բրիտանիա» ստադիոնում «Սթոքին» հանդիպել էր Անգլիայի Լիգայի գավաթի խաղարկությունում եւ պարտվել 11-մետրանոցներով:
Կարծում եմ՝ եկել է փոխհատուցման ժամանակը: Կիեւի «Դինամոյի» հետ ՉԼ-ի խաղը ցույց տվեց, որ Ժոզե Մոուրինյոյի տղաները պատրաստ են ակումբի պատվի, իրենց մարզչի համար պայքարել մինչեւ վերջ:
Այստեղ ընտրում եմ հյուրերի հաղթանակը: Չեմ մտածում, որ Մոուրինյոն կշարունակի ձախողվել:
Եթե խոսք գնաց «Չելսիի» մասին, չի կարելի մոռանալ նաեւ «Յուվենթուսին», որը արտագնա հանդիպում կանցկացնի «Էմպոլիի» հետ: Թուրինյան ակումբը ձախողեց մրցաշրջանի մեկնարկը, բայց կամաց-կամաց վեր է բարձրանում մրցաշարային աղյուսակում: Հարգելով տոսկանական թիմին՝ պետք է խոստովանել սակայն, որ «Էմպոլին» «Յուվեի» համար լուրջ մրցակից չէ: Մասիմիլիանո Ալեգրիի թիմի հաղթանակն այս խաղում կասկած չի հարուցում:
«Բարսելոնան» մի փոքր բարելավել է իրավիճակը պաշտպանությունում: Կատալոնացիները գոլ բաց չեն թողել վերջին երկու խաղերում, ինչը հազվադեպ երեւույթ է այս մրցաշրջանում: Չեմ կարծում, որ «Վիլյառեալի» դեմ առաջիկա խաղում Լուիս Էնրիկեի թիմը կկարողանա անառիկ պահել սեփական դարպասը:
Մարսելինո Գարսիա Տորալի թիմը հիանալի վիճակում է, արդյունավետ խաղում է գրեթե բոլոր հանդիպումներում: Հաշվի առնելով այն, որ Մասկերանոն եւ Ռակիտիչը առաջիկա խաղը բաց կթողնեն, Կլաուդիո Բրավոյի համար հեշտ չի լինի անառիկ պահել իր դարպասը: Այդ պատճառով էլ լավագույն տարբերակը կլինի երկու թիմերի գոլ խփելու վրա խաղադրույք կատարելը:
Մադրիդի «Ռեալին» բարդ փորձություն է սպասվում: «Ռամոս Սանչես Պիսխուանում»: Ճիշտ է, արդեն կկարողանան խաղալ Գարեթ Բեյլն ու Խամես Ռոդրիգեսը, բայց միեւնույն ժամանակ վնասվածք է ստացել Մարսելոն, ով հիանալի մրցաշրջան է անցկացնում:
Տանտերերը, իրենց հերթին, շատ անկայուն ֆուտբոլ են ցուցադրում: Ունայ Էմերիի թիմը վերջին երկու խաղերում պարտություն է կրել: Եթե դրան էլ ավելացնենք այն փաստը, որ անդալուզցիների դեմ վերջին երեք խաղերում «սերուցքայինները» հաղթել են, խփելով 7 գոլ, ապա ստեղծված պատկերը խոսում է Ռաֆա Բենիտեսի օգտին:
Պաշտպանությունում «Սեւիլիան» չի փայլում, հարձակվելիս էլ չի կարողանա լուրջ խնդիրներ առաջարկել «Ռեալին»: Այդ պատճառով էլ ընտրում եմ «Ռեալի» հաղթանակը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: