«Սպորտինգ Խիխոն» — «Բարսելոնա». Ռոբերտ Գասպարյանի կանխատեսումը
Իսպանիայի չեմպիոնի ամենաիրական հավակնորդ կատալոնական «Բարսելոնան» անելու է ամեն ինչ «Ռեալից» միավորներով հետ չմնալու համար: Առաջիկա մրցակիցն այդ առումով ամենահարմարն է: Խիխոնի «Սպորտինգը» գուցե ամուր ընկույզ է շատ թիմերի համար, բայց ոչ երբեք «Բարսայի» մակարդակի մրցակցի: Եթե անգամ այսպիսի մրցակցի հետ խաղում Լուիս Էնրիկեի գլխավորած թիմը չկարողանա 3 միավոր վաստակել։
Կատալոնյան ակումբը վերջին 2 խաղերում միայն 4 միավոր է վաստակել՝ նախորդ տուրում խաղաղությամբ բաժանվելով «Աթլետիկոյից»՝ 1։1: Այդ խաղը չարաբաստիկ եղավ կապտանռնագույնների առաջատար Լեո Մեսսիի համար: Արգենտինացին չկարողացավ մինչև վերջ անցկացնել հանդիպումն ու վնասվածքի պատճառով փոխարինվեց: Առաջիկա 3 շաբաթը նա միանշանակ բաց կթողնի: Ըստ երևույթին՝ նրա փոխարեն կխաղա Արդան: Եթե հիշում եք, անցած մրցաշրջանում ևս Լեոն կարճ ժամանակով բացակայեց, իսկ թե ինչ արեցին այդ ընթացքում Սուարեսն ու Նեյմարը, շատ հուզիչ եր…: Լազարեթում է նաև ֆրանսիացի Սամուել Յումտիտին: Հայտացուցակից դուրս է մնացել Ալեյշ Վիդալը, որն, ըստ երևույթին, ձմռանը կփոխի թիմը (18 միլիոն եվրոն՝ քամուն):
Խիխոնյան ակումբը գլխավորում է «Բարսելոնայի» երկարամյա ֆուտբոլիստ, երբեմն նաև ավագի թևկապը կրող Աբելարդոն: Ոչ վաղ անցյալում անվանի ֆուտբոլիստի, իսկ հիմա արդեն փորձ հավաքող մարզչի տրամադրության տակ են բոլոր ուժեղագույնները: Ով վնասվածք ուներ ապաքինվել է, ով որակազրկված էր, պատիժը կրել է: Սպասվում է, որ տանտերերի կազմում խաղադաշտ դուրս կգա «Բլաուգրանային պատկանող» Դուգլասը:
Այստեղ պետք է ուշադիր նայել վիճակագրությանը: Բարսելոնան վերջին 5 խաղերում հաղթանակած է հեռացել մրցակիցների խաղադաշտից: Իսկ ահա «Սպորտինգը» տանն անփոփոխ 3 միավոր է վաստակել՝ նույնպես վերջին 5 խաղերում: Ով ումից միավոր կխլի: Իմ կարծիքով դա չէ էականը, այլ այն, որ մենք դիտելու ենք գոլառատ ֆուտբոլ:
Երկու թիմերն էլ գոլ կխփեն։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: