Սպորտային խաղադրույքներ. «Մանչեսթեր Սիթին» առնվազն երեք գնդակ կուղարկի «Միդլսբրոյի» դարպասը

«Մանչեսթեր Սիթին» իրեն վերգտել է: 6 խաղ անընդմեջ չհաղթելուց հետո «քաղաքաբնակները» նախորդ շաբաթ 4:0 հաշվով հաղթեցին «Վեսթ Բրոմվիչին», իսկ այնուհետև Չեմպիոնների լիգայի շրջանակում 3:1 տպավորիչ հաղթանակ տարան «Բարսելոնայի» նկատմամբ: Այդ խաղերում ամենաշատը թերևս տպավորեց Իլկայ Գունդողանը, ով երկու խաղերում էլ դարձավ դուբլի հեղինակ: Ընդհանրապես «Սիթիի» ֆուտբոլիստները վերջին երկու խաղերում իրենց բարձր կարգն են ապացուցում ու հիանալի ֆուտբոլ ցուցադրում:

Այս իրավիճակում «Միդլսբրոյի» բախտը չի բերել: Թիմը ուղևորվում է «Էյթիհադ», խաղալու է զորեղ «Մանչեսթեր Սիթիի» հետ, որը խանդավառության տակ է գտնվում, հաղթել է «Բարսելոնային» և հիմա զգում, որ կարող է հաղթել ցանկացած մրցակցի: Սովորաբար այսպիսի հաղթանակները ոգևորում են և բոլոր առիթները կա կարծելու, որ Գվարդիոլայի թիմը վստահ հաղթանակ կտանի սեփական հարկի տակ: Ճիշտ է՝ «Միդլսբրոն» վերջին երկու խաղերում կարողացել է չպարտվել, ընդ որում այդ խաղերից մեկում դրսում գոլազուրկ ոչ-ոքի խաղացել «Արսենալի» հետ, սակայն այստեղ այլ իրավիճակ է: «Քաղաքաբնակներին» այժմ հաղթանակ է նաև պետք, որպեսզի հետ չմնա «Արսենալից» ու «Լիվերպուլից: Բացի այդ, հետևից մեկ միավոր տարբերությամբ շնչում է «Չելսին»:

Հիմնական խաղադրույքս այն բանի վրա է, որ «Մանչեսթեր Սիթին» առնվազն երեք գնդակ կուղարկի Վիկտոր Վալդեսի դարպասը՝ այսինքն տանտերերի անհատական տոտալը 2,5 գնդակից շատ: Գործակիցը 1,93 է: Կառաջարկեմ նաև այսպիսի խաղադրույք՝ «Մանչեսթեր Սիթիի» (-1) ասիական հանդիկապով հաղթանակն առաջին խաղակեսում: Մեկ գնդակի տարբերությամբ առավելությունը ձեր խաղադրույքը հետ կվերադարձնի, իսկ երկու և ավելիի դեպքում՝ դուք կհաղթեք: Այս խաղադրույքի գործակիցը 2,30 է: