Իտալիայի առաջնության 15-րդ տուրի շրջանակներում դեկտեմբերի 4-ին Հռոմի «Օլիմպիկո» մարզադաշտում «Լացիոն» կընդունի «Յուվենթուսին»: «Բուքմեյքերների Ռեյտինգը» ուշադրություն է դարձրել թիմերի մարզավիճակներին և առաջարկում է խաղադրույք կատարել Մասիմիլիանո Ալեգրիի սաների հաղթանակի վրա:
Գալիք հանդիպումը թեժ է լինելու: Երկու թիմերը լուծեցին իրենց հարցերը եվրոգավաթներում և հանգիստ կարող են կենտրոնացնել ուժերը ազգային առաջնությունում:
Պետք է խոստովանեմ, որ ինձ դուր չի գալիս հռոմեական ակումբի ֆուտբոլիստների ցուցադրած խաղը: Ստեղծվում է այնպիսի տպավորություն, որ նրանք չեն կարողանում կողմնորոշվել մարզադաշտում և անընդհատ փորձում են ինչ-որ բան հնարել, որպեսզի հաջողության հասնեն: Որոշ թիմերի հետ դա ստացվում է, իսկ մի քիչ համառություն դրսևորած հակառակորդները ստիպում են «Լացիոյին» միավորներ կորցնել: Ամենավառ օրինակը «Էմպոլիի» հետ արտագնա հանդիպումն է, որտեղ հռոմեացիները պարտություն կրեցին նվազագույն հաշվով:
Ստեֆանո Պիոլիի թիմին շատ դժվար կլինի վերջին ժամակներում գերազանց հանդես եկող «Յուվենթուսի» դեմ: Նույնիսկ առանց որակազրկված Պոլ Պոգբայի՝ «Յուվենթուսը» հիմա ահեղ է: Մինչ ֆրանսիացու խաղադաշտ վերադառնալը, մյուսները իրենց կդրսևորեն: Հասկանալի է, խոսքը գնում է Պաուլո Դիբալայի, Ալեքս Սանդրոյի և Մարիո Մանջուկիչի մասին: Օրինակ, վերջինիս գոլը օգնեց թուրինցիներին մրցակցի հարկի տակ ջախջախել «Պալերմոյին» 3:0 հաշվով:
Հաշվի առնելով վերոնշյալ բոլոր հանգամանքները, կարծում եմ, որ այստեղ պետք է ընտրել «Յուվենթուսի» հաղթանակը: «Բյանկոներիները» հաղթել են Ա Սերիայի վերջին 5 հանդիպումներում: Այս արդյունքները թիմին լրացուցիչ վստահություն կհաղորդեն: