Սպորտային խաղադրույքներ. Հայաստանը կհաղթի խաղակեսերից գոնե մեկում
Նկարում պատկերված անձնավորության տաղանդի շնորհիվ նախորդ խաղում չպարտվեցինք խոշոր հաշվով: Ողջ խաղի ընթացքում ընդամենը մեկ պահ ունեցանք, մեկ դրվագ, մեկ ակնթարթ, որտեղ Պիզելիի հարվածը կարող էր վճռորոշ լինել ու մեզ պարգևել մեկ միավոր: Բայց … Անկեղծ ու ցավով պետք է նշել, որ մերոնց խաղը, մեղմ ասած, չտպավորեց:
Ռումինացիների դեմ խաղից առաջ վիճակը հույս չի ներշնչում: Մխիթարյանը չկա, Մկրտչյանը վնասվածք ունի, հիմնական կազմում հայտնվելու շանսեր ունեցող հարձակվողներից միայն Կադիմյանն է հրավիրվել հավաքական: Դե իհարկե, պարզ է, որ Գեղամը հենց առաջին վայրկյանից լինելու է մեկնարկային կազմում՝ ստանձնելով թարգեթ-մենի պարտականությունները:
Այս անգամ մի փոքր բարդ է կանխագուշակել մեր հավաքականի մեկնարկային կազմը: Միայն պետք է հույս ունենալ, որ այն փորձարարական չի լինի. թերևս, ամենամարտունակ ու լավագույն տարբերակը սա է:
Ամենաուշագրավ փաստը բուքմեյքերների սահմանած գործակիցներն են: Թեպետ մեր ընտրանու ճամբարից բացակայում է 42 միլիոն եվրո արժողությամբ Հենրիխ Մխիթարյանը, թեպետ մեր հայտացուցակից բացակայում են մի շարք կարևոր ու օգտակար անձինք, միևնույնն է, ռումինացիների հաղթանակի գործակիցն ընդամենը 2.0 է:
Լավագույն ավանդույթները շարունակում ենք: Նորից հավատում ենք մերոնց հաղթանակին: Միևնույնն է, ես, դուք, բոլորս, որքան էլ դժգոհենք, որքան էլ ուզենանք ու պահանջենք առավելագույնը, խաղի մեկնարկից 5 րոպե առաջ հոտնկայս երգելու ենք ՀՀ պետական օրհներգը, իսկ հետո ամբողջ խաղի ընթացքում մեր սրտերը բաբախելու են սովորականից արագ, մենք մոռանալու ենք մեր բոլոր խնդիրները, անմնացորդ նվիրվելու ենք խաղադաշտում վազող 11 տղաներին՝ ակնկալելով փոխադարձ նվիրումը նրանցից: Իրականությունը հուսադրող չէ: Բայց ի՞նչ անենք: Ի՞նչ կարող ենք անել: Միայն հավատալ:
Զգացմունքներն ու հավատը միշտ խանգարում են իրականությանը նայել լայն բացված աչքերով՝ նախապատվությունը տալով հավատին: Այս անգամ հենվում եմ սահմանված գործակիցների վրա, որոնք, կրկնում եմ, տարօրինակ են:
Առաջարկում եմ երկու խաղադրույք՝ «Հայաստանը կհաղթի խաղակեսերից գոնե մեկում», «Հայաստանի հաղթանակ և ՏՇ 1.5 գոլ»: Հավանականությունը, ինչ խոսք, մեծ չէ: Բայց արագ հակագրոհներով խաղալու դեպքում գոլ խփելու շանսերը բավական մեծ են: Ի դեպ, Հայաստանի ազգային հավաքականը պաշտոնական խաղերում վերջին անգամ գոլ է խփել 520 օր առաջ: Սառույցը կոտրելու ժամանակն է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: