Սպորտային խաղադրույքներ. Հայաստանի հավաքականը չի պարտվի Չեխիային
Իհարկե, բոլորս գիտենք, որ ընկերական հանդիպումները փորձարկումների համար են: Հայաստանի հավաքականը նախորդ երեք նման խաղերը հենց այդ նպատակով էլ օգտագործել է, կարողացել հաղթել դրանցից երկուսում, մեկն էլ ավարտել գոլազուրկ ոչ-ոքի: Ասել է, թե Վարուժան Սուքիասյանի վերադարձից հետո մեր ընտրանին դեռևս անպարտելի է: Ճիշտ է, մրցակիցները Սալվադորը, Գվատեմալան և Բելառուսն էին, բայց փաստը մնում է փաստ:
Միևնույն ժամանակ պետք է հասկանալ, որ Չեխիայի ընտրանին նույնպես փորձարկումներ է անելու մեր դեմ խաղում: Թիմի գլխավոր մարզիչ Պավել Վրբան հեռացված է, իսկ նորանշանակ Կարել Յարոլիմը թարմացրել է կազմն ու Մունդիալ 2018-ի ընտրական փուլից առաջ նորարարությունների կարիք ունի: Պետր Չեխն այլևս դարպասում չի լինելու: Եվրո 2016-ում հանդես եկած ֆուտբոլիստներից շատերը հավաքական չեն հրավիրվել: Կարճ ասած՝ երկու կողմերն էլ խաղին մոտենում են միևնույն տրամադրվածությամբ:
Հայաստանի հավաքականի հայտացուցակից բացակայում են Լևոն Հայրապետյանը, Տիգրան Բարսեղյանն ու Էդգար Մանուչարյանը, ովքեր կարող են համարվել հիմնական կազմի խաղացողներ: Հայրապետյանի բացակայության դեպքում պետք է փակել պաշտպանության ձախ եզրը: Տարբերակները երկուսն են. կամ Գաել Անդոնյանը կտեղափոխվի այդ դիրք, իսկ կենտրոնում Հրայր Մկոյանի հետ զույգ կկազմի Վարազդատ Հարոյանը, կամ Սուքիասյանը խնդիրը կլուծի Արտակ Եդիգարյանի շնորհիվ: Միանշանակ չէ նաև՝ ո՞վ է խաղալու ձախ վինգերի դիրքում. Գեղամ Կադիմյա՞նը, թե՞ հավաքական վերադարձած Գևորգ Ղազարյանը: Խաղային պրակտիկայի հարցում, կարելի է ասել, երկուսն էլ հավասար են: Մնում է պարզել նրանց մարզավիճակն ու ընտրություն կատարել:
Շատ կարևոր է հաղթանակով մոտենալ Դանիայի հետ ընտրական փուլի խաղին: Նամանավանդ, երբ մրցակիցը ամենաուժեղն ու անհաղթահարելին չէ: Նույնիսկ ավելի չխաղակցված է, քան մերը: Չեխերին պարտվելու ոչ մի նախադրյալ, պատճառ չեմ տեսնում: Առաջարկում եմ խաղադրույք կատարել Հայաստանի չպարտվելու վրա: Իսկ ավելի համարձակները, ամենաերկրպագուներն ընդհանրապես կարող են օգտվել հնարավորությունից, ու ունեցած գումարը դնել մերոնց հաղթանակի վրա:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: