Սպորտային խաղադրույքներ. «Բարսելոնան» առանց Մեսսիի կլուծի «Սպորտինգի» հարցերը
Պրիմերայի վերջին տուրը հարուստ էր իրադարձություններով: Նախ Մադրիդի «Ռեալը» սեփական դաշտում ոչ-ոքի խաղաց «Վիլյառեալի» հետ և այս մրցաշրջանում առաջին միավորները կորցրեց: «Բարսելոնան» կամ «Աթլետիկոն» շանս ունեին մոտենալ առաջատարին, բայց «Նոու Կամպում» տուրի կենտրոնական հանդիպումը ավարտվեց 1:1 հաշվով: Արդյունքում «Ռեալը» կրկին 3 և 4 միավորով առաջ է համապատասխանաբար «Բարսայից» ու «Աթլետիկոյից»:
Սեփական հարկի տակ ավարտված ոչ-ոքին կատալոնացիների համար այդ երեկոյի միակ տհաճ իրադարձությունը չէր: Էնրիկեի թիմը կորցրեց իր առաջատարին ու գրոհների հիմնական կազմակերպչին՝ Լեո Մեսսիին: Արդեն հայտնի է, որ արգենտինացին վնասվածքի պատճառով առաջիկա 3 կամ 4 խաղերում չի կարող օգնել իր թիմին: Իհարկե, սա շատ լուրջ կորուստ է «կապտանռնագույնների» համար, բայց «Բարսան» արդեն ցույց է տվել, թե ինչպես կարող է խաղալ առանց իր 10 համարի:
Ինչ վերաբերում է տանտերերին, ապա «Սպորտինգի» գործերն ընթանում են սովորական հունով: Թիմը 7 միավոր ունի և գտնվում է մրցաշարային աղյուսակի 10-րդ հորիզոնականում: Միջակ թիմ, միջակ արդյունք, միջակ հորիզոնական:
Առաջարկում ենք «երկուսն էլ կխփեն — Այո» խաղադրույքը: «Բարսելոնան» պաշտպանությունում նկատելի խնդիրներ ունի և գրեթե ցանկացած արտագնա խաղում բաց է թողնում: Այդպես եղավ նաև «Լեգանեսի» դեմ: Կատալոնացիները 5 գնդակ ուղարկեցին Լա լիգայի նորեկի դարպասը, բայց սեփականը չկարողացան անառիկ պահել: Գործակիցը 1,88 է:
Խաղանք նաև ««Բարսելոնայի» հաղթանակ և ՏՇ 2,5 գոլ» տարբերակով: Գործող չեմպիոնը միավորներ կորցնելու իրավունք չունի, հետևաբար պետք է փորձի ամեն գնով Խիխոնից 3 միավորով հեռանալ: Որտեղ «Բարսելոնան», այնտեղ բազմաթիվ գոլերը: Գործակիցը 1,72 է:
Արժե հույս դնել նաև Սուարեսի վրա: Ուրուգվայցին 4 գնդակով Լա լիգայի լավագույն ռմբարկուներից մեկն է: Մեսսին խաղադաշտում չէ, ինչը նշանակում է, որ Նեյմարն ավելի շատ կզբաղվի գրոհների կազմակերպմամբ: Դե իսկ Լուիս Սուարեսը միշտ էլ պատրաստ է կրակի տակ պահել մրցակցի դարպասը: Գործակիցը 1,62 է:
Համաձա՞յն եք կանխատեսման հետ, քվեարկեք ներքևում:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: