Սպորտային խաղադրույքներ. «Բանանց» — «Օմոնիա» խաղը սակավագոլ կստացվի
Երևանի «Բանանցում» եվրագավաթային ելույթները սկսելուց առաջ լուրջ փոփոխություններ եղան: Փոխվեց ակումբի ղեկավար կազմը, թիմից հեռացան առաջատար երկու ֆուտբոլիստներ, իսկ համալրումներ չեղան: Լսելով մրցակցի տիտղոսների քանակի, ունեցած ֆուտբոլիստների, վիճակագրության մասին՝ շատերը սկսում են չհավատալ «Բանանցի» շանսերին:
Նախախաղային ասուլիսի ժամանակ պարզ դարձավ, որ մեր թիմի առաջիկա մրցակիցը նույնպես լավագույն վիճակում չէ: «Օմոնիայի» գլխավոր մարզիչ Ջոն Քարվերը, ով 2014/15 թթ. մրցաշրջանում գլխավորել է «Նյուքասլը», հայտնեց, որ թիմի 12 ֆուտբոլիստ հեռացել են, ակումբն էլ համալրվել է յոթ նոր ֆուտբոլիստներով: Ինչպես նախորդ տարվա վերջին «Բանանցում», այնպես էլ հիմա՝ «Օմոնիայում», լուրջ փոփոխություններ են կատարվում:
Չնայած, որ մրցակցի ընդհանուր տրանսֆերային արժեքը մոտ 4 անգամ մեծ է մեր թիմինից, նման իրավիճակում, կարծում եմ, Տիտո Ռամալյոյի և նրա ֆուտբոլիստների հաղթանակի շանսերը մեծանում են: Ճիշտ է՝ նման մրցակցին հաղթելը չափազանց բարդ կլինի:
Իսպանացի մասնագետը նշեց, որ ուսումնասիրել են մրցակցին, պատրաստ են հանդիպմանը, վնավածքներ չունեն: Բացի այդ, հարցազրույցներից մեկում ասել էր, որ կձգտեն անառիկ պահել սեփական դարպասը:
Կարծում եմ, որ հանդիպումը սակավագոլ կլինի: «Բանանցը» կարողացել է բավական ամուր պաշտպանություն կառուցել, ենթադրում եմ, որ 5 պաշտպանով կգործեն: Մյուս կողմից՝ Լաերսիոյի բացակայության պայմաններում չեմ հավատում Ացամազ Բուրաևի արդյունավետ խաղին, այդ պատճառով էլ ընտրում եմ «երկուսն էլ կխփեն — ոչ» և «տոտալ քիչ 2.5 գոլ» խաղադրույքները:
Հաջողություն ու հաղթանակ մեր թիմին:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: