«Матч ТВ» հեռուստաընկերությունում Ռուսաստանի և Իսպանիայի առաջնությունների մեկնաբան, «Բուքմեյքերների Ռեյտինգի» մշտական փորձագետ Կոնստանտին Գենիչը կանխատեսում է արել Վիլնյով դ’Ասկի «Պիեր Մորուա» մարզադաշտում կայանալիք Եվրո-2016-ի խմբային փուլի երրորդ տուրի Շվեյցարիա — Ֆրանսիա հանդիպման վերաբերյալ: Մեր փորձագետը ենթադրում է, որ առաջիկա խաղում առաջնության տանտերերը հանդիպման առաջին խաղակեսում գոլ կխփեն:
Ոչ-ոքին այս խաղում երկու կողմերին էլ բավարարում է: Այդժամ ֆրանսիացիները խմբում կզբաղեցնեն առաջին հորիզոնականը, իսկ շվեյցարացիները` երկրորդ, և երկու թիմերն էլ հանգիստ կգնան փլեյ-օֆֆ: Այդ պատճառով մեծ է գայթակղությունը խաղադրույք կատարելու ոչ-ոքիի վրա, բայց այդուհանդերձ չեմ պատրաստվում դա անել, քանի որ գործ ունենք Եվրոպայի առաջնության տանտերերի հետ: Խաղին ոչ ամբողջովին ներգրավվելու համար երկրպագուները նրանց չեն ների: Ֆրանսիացիներին արդեն քննադատում են և նրանց պետք է առավելագույնն անել, որպեսզի իրենց կրակից դուրս բերեն: Պետք է շահել նաև մամուլի և երկրպագուների համակրանքը: Քննադատում են ոչ վատ արդյունքների պատճառով, վերջիվերջո երկու հաղթանակ տարել են, այլ Եվրո-2016-ի մեկնարկային երկու խաղերում ոչ արտահայտիչ խաղի համար: Ֆրանսիան հաղթանակների հասել է վերջին րոպեներին:
Այժմ, երբ Ֆրանսիան արդեն ապահովել է տեղը փլեյ-օֆֆում, թիմին պետք է ավելի հեշտ լինի: Տանտերերի գործողություններում ավելորդ լարվածություն չպետք է լինի, որը կար առաջին երկու խաղերում: Կարծում եմ, որ Շվեյցարիայի հետ խաղում Ֆրանսիան լավ ու հաճելի ֆուտբոլ կցուցադրի:
Ֆրանսիան դեռևս գոլ չի խփել առաջին խաղակեսերում, բայց իմ կարծիքով` ժամանակն է դա անել: Այդ պատճառով առաջարկում եմ որսալ Դեշամի թիմի գոլը մեկնարկային 45 րոպեներին: Կարծում եմ, որ 2,02 գործակիցը շատ լավն է: Ալբանացիների հետ առաջին խաղակեսում ընդհանրապես պահեր չեղան, իսկ ռումինացիների դեմ առաջին կեսում հարվածներից մեկը դիպչեց դարպասաձողին: Ժամանակն է արդեն լավ արագություններով սկսել հանդիպումը ու միանգամից խփել: Ֆրանսիական հարձակման պարագայում դա իրական է: Ընդ որում, ինչպես արդեն ասել եմ, հոգեբանորեն ավելի հեշտ պետք է լինի: