«Սևիլիա» — «Բարսելոնա». Նիկիտա Կովալչուկի վիդեոկանխատեսումը

Հետաքրքրագույն խաղ է: «Սևիլիան» ՈՒԵՖԱ-ի սուպերգավաթում պարտվել է Մադրիդի «Ռեալին», շատ է հոգնել, և միանշանակ, ընկճվել: Միշտ էլ տխուր է վերջին վարկյաններին տիտղոսը կորցնելը: Այս թեմայով կարող է շատ բան պատմել «Աթլետիկոն»: Բայց խաղը, որը «Սևիլիան» ցույց տվեց, ուղղակի հիանալի էր: Բացարձակ այլ ֆուտբոլ էր, ինչ-որ չափով նման Եվրոպայի առաջնությունում Անտոնիո Կոնտեի հետ Իտալիայի ցուցադրած խաղին: Բացարձակ հասկացողությունն այն բանի, ինչը պետք է անել նրա համար, որպեսզի հասնել արդյունքի: «Սևիլիայում» փայլուն աշխատանք է կատարվել: Այո, կենտրոնական պաշտպանի կարիք կա: Լուսիանո Վիետոն դեռ ընդհանրապես չի ինտեգրվում այն ֆուտբոլին, որը գոյություն ունի «Սևիլիայում»: Այո, նրանց չի բավականացնում Գամեիրոն, պետք է լավ, որակյալ կենտրոնական հարձակվող: Կարծում եմ, որ դրա մասին ակումբում հիմա մտածում են:

«Բարսելոնան» անուն է: Բարսելոնան՝ Լիոնել Մեսսին է, «Բարսելոնան» ֆանտաստիկ համագործակցություն է, «Բարսելոնան» անընդհատ ծարավ է տիտղոսների, տիտղոսների մագնիս: Եվ այստեղ պետք է ավելի շատ խաղալ, քան ուղղակի լավ:

Բայց այստեղ կրկին տեսնում եմ թրիլեր, նորից մեծ խնդիրներ իսպանական ակումբի համար: Նրանք ստիպեցին Մադրիդի «Ռեալին» մաքսիմումից ավել անել, որպեսզի հասնել արդյունքի: Ոչ մի պատճառ չեմ տեսնում ինչու՝ նրանք չեն կարող ստիպել «Բարսելոնային»:

Այդ ամենին գումարած՝ հաշվի առնելով երկխաղյա դիմակայությունը՝ ինձ թվում է՝ առաջին խաղը «Սևիլիայի» տեսանկյունից վստահություն հավաքելու փորձ կլինի, իսկ «Բարսելոնայի» համար մրցաշրջան մտնելու հանդիպումն է:

Այդ պատճառով կարծում եմ, որ այստեղ լավ, մարտական, գոլառատ ոչ-ոքի կլինի: