«Ռոմա» – «Տորինո». Ռոբերտ Գասպարյանի կանխատեսումը
Իտալիայի առաջնության 14-րդ տուրի ամենահետաքրքիր հանդիպումներից մեկը կկայանա Հռոմում, որտեղ «Ռոման» կընդունի «Տորինոյին»։ Ժոզե Մոուրինյոյի թիմը ճգնաժամի մեջ էր, սակայն պորտուգալացի մասնագետը վերջին 2 խաղում արմատապես փոխեց խաղային համակարգը՝ անցնելով 3 կենտրոնական պաշտպանի։ Առաջիկա խաղում էլ, ամենայն հավանականությամբ, «Յուրահատուկի» թիմը կխաղա հենց այդ սխեմայով։ Անցման պատճառը հիմնականում Մատիաս Վինյայի բացակայությունն է։ Ուրուգվայցի ձախ եզրային պաշտպանն այս անգամ էլ չի խաղա։ Բայց թուրինյան ակումբի դեմ խաղում «Ռոման» ունի լուրջ խնդիրներ. որակազրկման պատճառով չի խաղա Ժորդան Վերետուն, վնասվածք ունի Բրայան Կրիստանտեն։ Նրան փոխարինման հարցում Մոուրինյոն հաստատ անքուն գիշեր է ունենալու։
«Տորինոն» այս մրցաշրջանում էլ աչք է դրել եվրագավաթային տեղերի վրա, սակայն առայժմ հեռու է 4 միավորով։ Եթե հաշվի առնենք, որ «Ցլերի» հաջորդ մրցակիցն ամենահարմարներից չէ, գուցե, 14-րդ տուրի արդյունքով մրցաշարային աղյուսակի բաղձալի դիրքը ավելի հեռվանա։ Հանուն արդարության պետք է նշել, որ Իվան Յուրիչը մարտունակ թիմ է կառուցել։ Բայց, միևնույն ժամանակ, այդ թիմը կախված է մի հարձակվողից՝ Անդրեա Բելոտիից, որն, ի դեպ, խաղին պատրաստ է։
Քանի որ այս թիմերի մասնակցությամբ վերջին 3 խաղերում «Տորինոն» պարտադիր գոլ է խփել երկրորդ խաղակեսերում, առաջարկում եմ օգտվել հենց այդ խաղադրույքից։ Ավելի իրական է թվում, ըստ իս, «Ռոմայի» հաղթանակը։ Ենթադրում եմ, որ թուրինյան ակումբը ստիպված է լինելու առնվազն 2 անգամ խաղը սկսել դաշտի կենտրոնից։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: