«Ռոմա» – «Սամպդորիա». Ռոբերտ Գասպարյանի կանխատեսումը
Իտալացի լրագրողները «Ռոմայի» գլխավոր մարզիչ Ժոզե Մոուրինյոյին վերջին ելույթների համար «թաթախել էին ցեխի մեջ», ինչի համար պորտուգալացի մասնագետը մի պահ ասուլիսային բոյկոտ էր հայտարարել։ «Ատալանտայի» նկատմամբ փայլուն հաղթանակից հետո Ժոզեն խախտեց լռությունը, և գովեստի խոսքեր շռայլեց իր տղաների հասցեին։ Սակայն այդ խաղն այլևս պետք է մոռանալ, քանի որ «Սամպդորիան» բացարձակապես այլ մրցակից է. Բերգամոյում «Ռոման» խաղում էր ակնհայտորեն երկրորդ համարով, ինչն էլ իր գործն արեց։ «Սամպդորիայի» հետ տնային խաղում այդպես խաղալ չի ստացվի, ուստի խաղը կառուցելու տեսանկյունից խնդիրներ կառաջանան։
«Սամպդորիան» վերջին 2 խաղում վաստակել է 4 միավոր, Իտալիայի գավաթում էլ թիմը հաղթել է «Տորինոյին»։ Այս արդյունքներն, առաջին հայացքից, կարող են Ռոբերտո Դ՛Ավերսային հեռու պահել պաշտոնանկությունից, սակայն տեղական մամուլը գրում է, որ «Ռոմայի» հետ խաղը կարող է ճակատագրական լինել նրա համար. «Սամպդորիայում» ընտրվելու է տնօրենների նոր խորհուրդ, որը պարտության դեպքում Դ՛Ավերսային պաշտոնանկ կանի։
«Ռոմայից» խաղը բաց կթողնեն վնասվածքից ապաքինվող Լորենցո Պելեգրինին, Ստեֆան Էլ-Շարավին ու Լեո Սպինացոլան, «Սամպդորիան», գուցե, զրկվի իր հիմնական հարձակվողներից մեկից. Մանոլո Գաբիադինին մկանային խնդիր ունի, դարպասապահ Օդերոն նախորդ շաբաթ նույնատիպ վնասվածք է ստացել ու կբացակայի հայտացուցակից։ Հենց այս հանգամանքն էլ, կարծում եմ, դառնալու է վճռորոշ։ «Ռոմայի» հաղթանակն ինձ մոտ կասկած չի հարուցում, այն էլ՝ 1-2 գոլի առավելությամբ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: