«Ռոմա» — «Պեսկարա». Ռոբերտ Գասպարյանի կանխատեսումը
Իտալական Ա Սերիան վերջին շրջանում իսկապես հիացնում է: Ովքեր հետևում են այս մրցաշրջանի հանդիպումներին, կփաստեն, որ ֆուտբոլն աստիճանաբար վերադառնում է Ապենինյան թերակղզի: Եթե չեմպիոնական ինտրիգից դեռ հեռու ենք, ապա գոնե հանդիպումների մեծամասնությունն առնվազն անցնում է դիտարժան ու անզիջում պայքարում: Մայրաքաղաքային «Ռոման» միշտ էլ պայքարում է ամենաբարձր դիրքի համար, համեստ «Պեսկարան» էլ փորձում է գլխացավեր առաջացնել առաջատարներին: Տեսնենք` կստացվի հիմա, թե՞ ոչ:
Լուչիանո Սպալեիտիի թիմը չեմպիոնլիգյան ֆիասկոյից հետո լրիվ կազդուրվել է ու մասնակցում է չեմպիոնական մրցավազքին: Թեպետ «Ատալանտայի» հետ խաղում «գայլերն» ավելի վատն էին, քան Սան Մարինոյի հավաքականը գերմանացիների հետ դիմակայությունում, այնուամենայնիվ, դա եթե հաշվի չառնենք, թիմը բավական լավ մարզավիճակում է: Կարևոր էր Եվրոպա Լիգայում առաջին տեղով խմբից դուրս գալու հարցերը լուծել վաղօրոք՝ առաջնության վրա կենտրոնանալու համար: Այս խաղից հետո «Ռոմային» սպասվում է 3 սուպեր խաղ՝ «Միլանի», «Լացիոյի» ու «Յուվենտուսի» հետ, ընդ որում իրար հաջորդող: Կադրային խնդիրներ Սպալետտիի սաները շատ չունեն: Բացակայելու է միայն Մանոլասը` Ա Սերիայի ամենավստահելի պաշտպանը: Դա բավական է անհանգստանալու համար:
«Դելֆիններն» այս խաղում ապացուցելու ոչինչ չունեն: Վերջին անգամ այս թիմերի հանդիպման ժամանակ «Օլիմպիկո» մարզադաշտում Ռոման հեռացավ միայն 1 միավորով: Հիմա «Պեսկարան» դեմ չէ կրկնել այդ հաջողությունը, մանավանդ որ թիմում խաղում է Իտալիայի հավաքականի նորաթուխ անդամ Ջանլուկա Կապարին: Սպասվում է, որ եթե և թիմը դառնա գոլի հեղինակ, դա կլինի հենց Կապարին: Սպասենք տեսնենք: Թիմը գործելու է համարձակ` 4-3-2-1 դասավորությամբ:
Խաղի ելք՝ Ռոմա և շատ 3.5 – 1.98
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: