«Ռոմա» – «Ֆեյենորդ»: Էռնեստ Շաբոյանի կանխատեսումը
Ժոզե Մոուրինյուն երկու շաբաթ առաջ նշեց, որ իր թիմն ամեն ինչ անելու է Կոնֆերենցիաների լիգայի եզրափակիչից առաջ Եվրոպա լիգայի ուղեգիր նվաճելու համար: «Ռոման» կատարեց խնդիրը՝ Ա սերիայում գրավելով 6-րդ տեղը: Այժմ հռոմեացիները կարող են ազատ շունչ քաշել ու առանց ավելորդ լարվածության մոտենալ եզրափակիչին:
Հռոմից եկող լուրերը հուսադրող են: Կարծես թե, հավանական է դառնում Հենրիխ Մխիթարյանի մասնակցությունը խաղին: Ընթացիկ մրցաշրջանում Միկին «Յուրահատուկի» գլխավոր զենքն ու հաղթաթուղթն է: Բայց նա մի քանի շաբաթ բաց է թողել ու դժվար է պատկերացնել, թե ինչ ֆունկցիոնալ վիճակում է:
Ինչ վերաբերում է «Ֆեյենորդին», ապա շատերը թերագնահատում են այս թիմին: Այնինչ հոլանդական կոլեկտիվը բավականին ամուր և կպչուն է: Առնե Սլոտի թիմը սիրում է գրոհել, բայց նաև ամուր պաշտպանվում է:
Հետաքրքիր է, որ Կոնֆերենցիաների լիգայում ամենաշատ գոլ խփած թիմերն են հասել եզրափակիչ: «Ֆեյենորդը» 28 անգամ է գրավել մրցակիցների դարպասը, իսկ «Ռոման» ընդամենը մեկ դիպաուկ հարված է պակաս կատարել: Հոլանդացիները կատարած հարվածներով և գնդակի խլումներով նույնպես առաջինն են մրցաշարում: «Ջալոռոսին» խլած գնդակներով երկրորդն է, իսկ հարվածներով՝ չորրորդը:
Ինչպես տեսնում եք, այս մրցավեճում դժվար է ֆավորիտ գտնելը: «Ռոման» դիրքային գրոհների ժամանակ հարմարավետ չի զգում: Մխիթարյանը և ընկերներն ավելի լավ են խաղում, երբ գնդակով չեն ու կարողանում են արագ նետվել հակագրոհների: Իսկ «Ֆեյենորդը» սիրում է դիրքային գրոհներով տանջել մրցակիցներին:
Մոտիվացիայի առումով կողմերը խնդիր չունեն, իսկ մնացածը կորոշվի խաղադաշտում: Ամեն դեպքում կարծում եմ, որ հիմնական ժամանակում հաղթողը պարզ չի դառնա:
«Գոլերի Լիգա» ու շահումային «գոլեր խփելու» հնարավորություն: Նոր ակցիա Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: