«Ռոմա» — «Ատալանտա». Եգոր Տիտովի կանխատեսումը

Իտալիայի առաջնության թոփ հանդիպում: Սակայն ակնհայտ ֆավորիտ է համարվում «Ատալանտան»: Եվ դա բացատրելի է: Գասպերինիի թիմը մրցաշրջանի արդյունքներով միանգամայն կարող է զբաղեցնել 2-րդ հորիզոնականը, դա մեծ հաջողություն կլինի: Օրերս «Ատալանտան» հաղթեց «Յուվենտուսին»՝ թուրինյան ակումբին շրջանցելով մրցաշարային աղյուսակում: Ամեն դեպքում, «Ատալանտան» 5 անընդմեջ հաղթանակ ունի և վերջին 10 հանդիպումից 9-ում հաղթել է: Թիմը լավ ընթացք է հավաքել, գրավիչ ֆուտբոլ է ցուցադրում:

Իսկ «Ռոման» արդեն գրեթե շանս չունի լավագույն քառյակում հայտնվելու: Եվ թիմը կկենտրոնանա Եվրոպա լիգայի վրա: Այնտեղ հռոմեական ակումբին է սպասում «Մանչեսթեր Յունայթեդը», բարդ մրցակից է, սակայն երկխաղյա դիմակայությունում կարող է ամեն բան պատահել: Դե իսկ առաջնությունում Ֆոնսեկայի թիմին չեմպիոնլիգյան գոտուց 9 միավոր է բաժանում: Դա չափազանց շատ է: Չեմ բացառում, որ «գայլերը» պարզապես կխնայեն իրենց առաջատարներին: Պետք է թարմ վիճակով մոտենալ «Յունայթեդի» հետ խաղերին:

Բայց այդուհանդերձ «Ռոման» հարձակողական թիմ է, սեփական հարկի տակ է խաղում, այդ պատճառով ի զորու է գոլ խփել: Իմ խաղադրույքը «Երկու թիմն էլ գոլ կխփի և կհաղթի «Ատալանտան»» է: Գասպերինիի ֆուտբոլիստները այդքան էլ հազվադեպ չեն գոլ բաց թողնում: Վերջերս երկու գնդակ ընդունեցին «Ֆիորենտինայից» և «Ուդինեզեից»: