«Ռեալ» — «Վիլյառեալ». Ռոբերտ Գասպարյանի կանխատեսումը
Ֆուտբոլի Իսպանիայի առաջնությունն այս տարի սովորականից, կարելի է ասել, ավելի անհետաքրքրքիր է: «Բարսելոնան» վաղուց այսքան մեծ առավելություն չէր ունեցել մրցակիցների, այդ թվում և «Ռեալի» նկատմամբ:
Զինեդին Զիդանի գլխավորած թիմում ակնհայտորեն լճացում է: Պետք է թարմ ուժ, նոր արյուն: Ժամանակի ընթացքում, երբ «Ռեալից» հեռանում էին Մորատան ու Խամեսը, ես ասում էի, որ դա անլուծելի խնդիր է առաջացնելու թիմում: Պահետսայինների նստարանին նայելիս Խամեսի ու Մորատայի փոխարեն երբ տեսնում ես Սեբալյոսին ու Կովաչիչին, արդեն վատանում ես: Զիդանի վիճակը ծանրագույն է: Տրանսֆերային պատուհանը բաց է, բայց այնտեղից այս պահին միայն ձմեռային սառը քամի է գալիս, այլ ոչ թե նոր ֆուտբոլիստ: Այս հոգեբանական խնդիրները դեռ մի կողմ, այսօրվա խաղին էլ չեն մասնակցի Սերխիո Ռամոսն ու Կարիմ Բենզեման: Նրանց է միացել նաև Մարկոս Լյորենտեն, բայց դա նույնն է, ինչ ոչինչը:
Ինչ վերաբերում է «Վիլյառեալին», ապա Խավի Կալյեխոյի թիմը վստոհերն ընթանում է 6-րդ տեղում և «Ռեալից» հետ է մնում միայն 4 միավորով: Սակայն կադրային խնդիրները կարծես թե այսօր թույլ չեն տա կրճատելու այդ տարբերությունը: Հիմնական կենտրոնական պաշտպան Վիկտոր Ռուիսը որակազրկված է։ Վնասվածք ունեն դարպասապահ Անդրես Ֆերնանդեսը, պաշտպան Ռուբեն Սեմեդուն, կիսապաշտպաններ Բրունո և Ռոբերտո Սորիանոները և հարձակվող Նիկոլա Սանսոնեն: Հավանաբար չի խաղա նաև թիմի լավագույն ռմբարկու Սեդրիկ Բակամբուն: Նա ճամպրուկները հավաքած սպասում է զանգի միլիոնների երկիր Չինաստանից: Այնպես որ այսօր «Դեղին սուզանավի» առջևի գծում սպասենք Կառլոս Բակկային:
Քանի որ երկու թիմերն էլ ապացուցելու շատ բան ունեն, անպայման կնետվեն գրոհի: Ուստի գոլերը երկու կողմից էլ կլինեն անպակաս: «Ռեալը» գրեթե համոզված եմ որ կհաղթի, սակայն միանշանակ պնդել չեմ կարող: Ուստի կկանխատեսեմ երկու թիմերի գոլն ու «Ռեալի» չպարտվելը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: