«Ռեալ Մադրիդ» – «Լեգանես». Կոնստանտին Գենիչի կանխատեսումը
Առաջին հանդիպումը շատ լավ դասավորվեց Զինեդին Զիդանի սաների համար, որտեղ նրանք հաղթանակ տարան 1։0 հաշվով Մարկո Ասենսիոյի գոլի շնորհիվ, որը խփվեց խաղավարտում։ Մադրիդում ևս «Լեգանեսը», որը բավական հեռուն է գնացել այս խաղարկությունում՝ հասնելով մինչև քարորդ եզրափակիչ, կարող է խնդիրներ առաջացնել «սերուցքայինների» համար։
Ամենայն հավանականությամբ այս անգամ ևս «Ռեալը» կխաղա այսպես ասած կիսահիմնական կազմով։ Հավանաբար չի խաղա Բեյլը, հավանաբար չի խաղա Ռոնալդուն, ով կփորձի վերականգնվել «Դեպորտիվոյի» դեմ խաղում ստացած փոքրիկ վնասվածքից։ Այս խաղը նոր շանս է երիտասարդների համար ակտիվ և ագրեսիվ ֆուտբոլ խաղալու համար։ Կարելի է նշել նաև, որ «Նումանսիային» արտագնա խաղում հաղթելուց հետո մադրիդցիները տնային խաղին այդպես էլ չկարողացան կենտրոնանալ և արդյունքում ոչ-ոքի ավարտեցին հանդիպումը սեգունդայի ներկայացուցչի հետ։
«Լեգանեսը» «Նումանսիայից» ուժեղ է։ Հարձակման գծում գործում են Շիմանովսկին և Նուրդին Ամրաբատը։ Նրանք կարող են պատժել «Ռեալին»։ Սերխիո Ռամոսը վերադարձել է ընդհանուր խումբ և նույնիսկ կարող է խաղալ։ Բացի դրանից, ես վստահ եմ, որ կխաղա Կարիմ Բենզեման։ Նրա համար չափազանց կարևոր է գոլ խփել։ Վաղուց նա նման հաջողության չի հասել։ Կարծում եմ ՝ թիմակիցները ևս դա շատ լավ հասկանում են։ Բենզեման պարտավոր է զգալ գոլի համը։
Բարդ խաղ է կանխատեսում տալու համար։ Մենք չգիտենք՝ ինչ վիչակում կլինի «Ռեալը», ինչ վիճակում նրանք դուրս կգան խաղադաշտ։ Թե ինչպես կխաղա «Լեգանեսը», ևս այդքան էլ պարզ չէ։ Կփորձեմ խաղադրույք կատարել՝ ելնելով ֆրանսիացու անհատականությունից։ Նրան անչափ պետք է գոլ խփել։ Ինչպես կավարտվի խաղը՝ չգիտեմ։ Գործակիցը բարձր չէ, բայց Բենզեման պարտավոր է իր առաջին գոլը խփել նոր տարում։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: