Ռեալ Մադրիդ — ՖԱ Բավարիա Մյունխեն. Էդվարդ Գևորգյանի կանխատեսումը

Ողջույն, Վերադառնում ենք մեծ Եվրոպական մրցաշարեր։ Այսօր կայանալու են Չեմպիոնների Լիգայի քարորդ եզրափակչի պատասխան խաղերը։ Վերլուծենք Ռեալ Մադրիդ-Բավարիա Մյունխեն խաղը։
Խաղը կայանալու է Մադրիդի “Սանտիյագո Բեռնաբեու” մարզադաշտում, որտեղ 85 000 երկրպագուների օգնությամբ “Սերուցքայինները” կփորձեն պահպանել, առաջին հանդիպմանը ստացած առավելությունը։ Հիշեցնեմ, որ առաջին խաղում Իսպանացիները հաղթեցին 1-2 հաշվով, բայց մենք տեսանք թե ինչպես Գերմանացիները անցկացրին առաջին խաղակեսը և կարող էին հարցերը լուծել 45 րոպեների ընթացքում։ Իմ սուբյեկտիվ կարծիքով Անչելոտին թիմի պիկային մարզավիճակը բերում էր հենց այս դիմակայության համար, բայց խանգարեցին առանցքային խաղացողնեի վնասվածքները, ի դեպ որոնց, մենք սպասում ենք այսօր մեկնարկային կազմում։ Ռոբերտ Լեվանդոսվսկին ապաքինվել է իսկ Մաթս Հյումելսը մարզվում է անհատական ծրագրով ու դեռ պարզ չէ նրա վիճակը։
Ռեալի մոտ նորից կան կորուստներ և նորից Զիդանը խաղալու է Ռամոս-Նաչո պաշտպանության կենտրոնով ու ես նորից պնդում եմ որ դա անանցանելի պատնեշ չի, համենայն դեպս Լեվանդովսկու համար։
Այս ամենի հանրագումարում ստացվում է, որ գերմանացիները ավելի ուժեղ են, բացի այդ նրանք ունեն հստակ խնդիր՝ խփել առնվազն երկու գոլ և ես հավատում եմ, որ դա նրանց կհաջողվի, իսկ ռեալի հարձակման գիծը մնացել է առանց Գարեթ Բեյլի և Զիդանը միգուցե խաղա երկու հարձակվողով՝ գերադասելով ուժեղացնել կիսապաշտպանությունը Իսկոյի հաշվին։ Համենայն դեպս մադրիդյան դերբիյում մենք տեսանք, որ ռեալը հաշիվ պահել չգիտի։
Սպասում եմ 1-2 հաշիվ ի օգուտ Անչելոտիի Սաների։
Շնորհակալություն, սիրեք ֆուտբոլը և հասեք հաջողության մեր օգնությամբ։