«Ռեալ Մադրիդ» — «Աթլետիկո Մադրիդ». Արեն Մկրտչյանի կանխատեսումը
Իսպանական թիմերը շարունակում են փայլել եվրոպական մրցասպարեզում։ Չեմպիոնների լիգայի իսպանական եզրափակիչը խոստանում է լինել լարված ու դիտարժան։ Տարօրինակ չէ, որ եզրափակիչներում բաց ֆուտբոլ դիտելը հազվադեպ հնարավորություն է։ Այս խաղը նույնպես բացառություն չի լինի, եթե հաշվի առնենք նաև՝ որքան փակ թիմ է «Աթլետիկոն»։ Սիմեոնեի թիմն ապավինելու է հակագրոհների։ «Բավարիայի» հետ կիսաեզրափակիչ պատասխան խաղում տեսանելի էր այս մարտավարության արդյունավետությունը։ Բայց սա չի նշանակում, որ «Աթլետիկոն» միմիայն պաշտպանվելու է։ Ժամանակահատվածներում, երբ «Ռեալը» կթուլացնի տեմպը, կզիջի նախաձեռնությունը (90 րոպե նույն տեմպով հարձակվել ուղղակի հնարավոր չէ), Սիմեոնեի թիմը կփորձի օգտագործել հնարավորությունը։
Բայց Զիդանը դա շատ լավ գիտի՝ մանրազնին ուսումնասիրելով մրցակցի խաղը։ «Ռեալը» տիրելու է նախաձեռնությանն ու փորձելու թելադրել իր խաղը։ Հետաքրքիր է հետևել մարզչական աշխարհում ծագող աստղ Զինեդին Զիդանի գործողություններին։ Ֆրանսիացին փայլուն աշխատանք է կատարում և կարողանում է մարտավարական պայքարում հիացնել նաև առանձին խաղերում, ինչպես, օրինակ՝ որպես մարզիչ՝ նրա առաջին «էլ կլասիկոյում» (1:2): Մարզչի այս հատկանիշն անչափ կարևոր է գավաթային մրցաշարերում, հատկապես նման մակարդակում։
Թիմերը խաղին մոտեցել են առանց կորուստների։ Ընդհանուր առմամբ՝ կտեսնենք այն խաղը, որը սպասում ենք թիմերից։ Կլինեն մարզչական առանձին խորամանկություններ, որոնք կբացահայտվեն միմիայն հանդիպման ժամանակ։
Կարծում եմ՝ խաղը կավարտվի հիմնական ժամանակում՝ «Ռեալի» հաղթանակով՝1:0 հաշվով:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: