«ՌԲ Լեյփցիգ» — «Այնտրախտ», «Վերդեր» — «Բորուսիա» Դորտմունդ. Եգոր Տիտովի էքսպրեսսը

«Լեյփցիգն» ուշադրություն է գրավում ոչ միայն իր արդյունքներով, այլև խաղով: Երիտասարդ թիմ, վազող, համարձակ: Գերմանիայի առաջնության նորեկն առաջին շրջանում իր նվաճումներով լրացուցիչ ուշադրություն է առաջացրել Բունդեսլիգայի հանդեպ: Դա շատ լավ է: Չեմ կարծում, որ «Լեյփցիգն» ընդմիջումից հետո կդադարի հաջողության հասնել: Ղեկավարությունում փորձառու մարդիկ են, մարզչական շտաբը որակավորված է: Կարծում եմ, որ նոր տարում առաջին տնային խաղը «Լեյփցիգը» համարձակորեն կանցկացնի: «Այնտրախտի» համար դժվար կլինի, թեև հիանալի մրցաշրջան է անցկացնում: Չի կարելի չնշել Նիկո Կովաչի աշխատանքը: Ո՞վ կմտածեր, որ «Այնտրախտը» կլինի հնգյակում: Այնուամենայնիվ, նախապատվությունը տալիս եմ տանտերերին: «Այնտրախտը» լավ է կազմակերպված, շատ գոլ չի ընդունում, այս մրցաշրջանում իր բոլոր պարտությունները եղել են 0:1 հաշվով: Նման մի բան էլ հիմա եմ սպասում: Խաղադրույք եմ կատարում ««Լեյփցիգի» հաղթանակ և գոլերը տոտալ 3,5-ից քիչ» տարբերակի վրա:

Այստեղ ուզում եմ ավելացնել Դորտմունդի «Բորուսիայի» հաղթանակը «Վերդերի» նկատմամբ: Թիմերի ուժերն անհավասար են: Դորտմունդն իր հնարավորություններից թույլ անցկացրեց մրցաշրջանի առաջին հատվածը և հիմա պետք է միավորներ վաստակի: Դեռևս ստիպված է խաղալ առանց Օբամեյանգի, ով Աֆրիկայի գավաթում հանդես է գալիս Գաբոնի ընտրանու կազմում: Բայց կան Շյուրլեն, Ռոյսը և շատ երիտասարդ ու տաղանդավոր տղաներ: Հաշվի առնելով, որ պաշտպանությունը «Վերդերի» ամենաուժեղ կողմը չէ, «Բորուսիան» պետք է վստահ հաղթանակ տանի: