Աշխարհի նախկին հինգերորդ ռակետ, «Eurosport» հեռուստաալիքի մեկնաբան, «Բուքմեյքերների ռեյտինգի» փորձագետ Աննա Չակվետաձեն կանխատեսում է արել Ռաֆայել Նադալ – Դանիիլ Մեդվեդև թենիսի Ավստրալիայի բաց առաջնության եզրափակիչի մրցախաղի վերաբերյալ։
Australian Open-ի եզրափակիչում մրցելու են Ռաֆայել Նադալն ու Դանիիլ Մեդվեդևը։ Ռուս թենիսիստը դիմակայության ֆավորիտն է։ Ի՞նչ կարելի է ասել Դանիիլի խաղի մասին։ Նա կայուն է, լավ մատուցում ունի։ Այո՛, երբեմն նյարդայնանում է, սակայն դժվարին պահերին կարողանում է հավաքվել և էմոցիաների հաշվին պայքարել։
Ռաֆան խաղալու է հանգիստ, մոնոտոն, բայց իսպանացին ֆիզիկական առումով ավելացնելու տեղ ունի, իսկ Մեդվեդևն այս առումով ավելի լավ է պատրաստ։
Նադալը վնասվածք ուներ, բայց ամեն առիթի դեպքում պնդում է, որ պատրաստ է հարյուր տոկոսով։ Սակայն չմոռանանք, որ Ռաֆան խաղալու է հարդի վրա, որտեղ անհնար է այդպես պտտեցնել գնդակը։ Ամենայն հավանականությամբ, իսպանացի թենիսիստն իր մատուցումները կկառուցի բեքհենդի միջոցով, իսկ Մեդվեդևը պատրաստ է դրան։
Եթե Դանիիլի մատուցումներն անցնեն և էմոցիաները չխանգարեն, ապա նա կհաղթի չորս սեթում։