Պորտուգալիա — Ֆրանսիա. Հաբեթ Հարությունյանի կանխատեսումը
Կարծում էի՝ եզրափակիչ կհասնի Գերմանիայի ազգային հավաքականը, որն էլ արդյունքում կնվաճի չեմպիոն կոչումը: Հավատում էի նաև, որ եզրափակիչ կհասնի Պորտուգալիայի ընտրանին: Պորտուգալացիների մասով սպասելիքներն արդարացան, մինչդեռ աշխարհի չեմպիոնները կիսաեզրափակչում պարտվեցին տանտերերին: Կարծում եմ՝ եթե եզրափակչում մրցեին Գերմանիան ու Պորտուգալիան, ապա Յոահիմ Լյովի ֆուտբոլիստները կկարողանային հաջողության հասնել, մինչդեռ ֆրանսիացիների հետ կապված որոշակի կասկածներ ունեմ: Ճիշտ է, ցույց տված խաղով Դիդյե Դեշամի թիմն ավելի է տպավորել, քան Պորտուգալիան, սակայն միայն Քրիշտիանու Ռոնալդուի գործոնը կարող է շատ բան փոխել եզրափակչում: Վերջապես նա հնարավորություն ունի լուրջ արդյունքի հասնել նաև ազգային ընտրանու կազմում և վստահ եմ՝ կանի առավելագույնը:
Ֆրանսիայի համար հեշտ չի լինի, դա միանշանակ: Ավելին, ցանկացած ստանդարտ կարող է ավարտվել գոլով, եթե, իհարկե, Ռոնալդուի տրամադրությունը տեղը լինի: Սանտուշի թիմը պաշտպանվել կարողանում է և եթե նման անհրաժեշտություն լինի, ապա վստահ եմ առաքելությունը կիրագործի: Մյուս կողմից, տանը պատերն են օգնում և կարծում եմ՝ դրա հաշվին Ֆրանսիան հենց սկզբից կփորձի գրոհել և գոլ խփել: Սպասվում է, որ Ֆրանսիան կխաղա առաջին համարով, իսկ Պորտուգալիան շեշտը կդնի հակագրոհների վրա: Չեմ բացառում, որ այստեղ Սանտուշը կփորձի անակնկալ մատուցել մրցակցին և ավելի ագրեսիվ մարտավարություն կընտրի: Ամեն դեպքում, խոսքը եզրափակչի մասին է, հետևաբար հնարավորությունները գնահատում եմ 50/50: Կարծում եմ՝ խաղի հիմնական ժամանակում կողմերը գոլ կխփեն: Երկու թիմն էլ կխփեն:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: