Մոսկվայի «Դինամոյի» և «Սպարտակի» նախկին պաշտպան, «Բուքմեյքերների Ռեյտինգի» փորձագետ Ալեքսանդր Բուբնովը կանխատեսում է արել Կոնֆեդերացիաների գավաթի կիսաեզրափակչի Պորտուգալիա — Չիլի հանդիպման վերաբերյալ: Նա ենթադրում է, որ պորտուգալացիները կհաղթեն հիմնական ժամանակում:
Առաջին կիսաեզրափակչից սպասում եմ հավասար խաղ: Հնարավոր է՝ հիմնական ժամանակն ընդհանրապես ավարտվի ոչ-ոքի, քանզի ամեն ինչ որոշելու են մանրուքները: Կշեռքի մի նժարին հիանալի մարզավիճակում գտնվող Կրիշտիանու Ռոնալդուն է, ում նույնիսկ փոխարինեցին վերջին խաղում՝ տալով վերականգնվելու համար ավելի շատ ժամանակ: Մյուսում Վիդալը, Սանչեսն ու Բրավոն են: Չիլիացիների խաղն ինձ նույնպես համակրելի է:
Ամենայն հավանականությամբ, մեծ քանակությամբ գոլեր մենք չենք տեսնի: Հավասար խաղ կլինի ոչ մեծ քանակությամբ պահերով: Բայց եթե ինչ-որ մեկին նախապատվություն տամ, ապա այդուհանդերձ պորտուգալացիներին: