«Պորտու» – «Միլան»․ Էռնեստ Շաբոյանի կանխատեսումը
«Ռոսոներիները» 25 տարի անց վերադառնում են «Դրագաու» ստադիոն։ «Վիշապների» տանը «Միլանը» ոչ մի անգամ չի պարտվել, սակայն ընդամենը 1 անգամ է հասել հաջողության։
Ստեֆանո Պիոլիի թիմը խմբային փուլի մեկնարկային 2 խաղերում պարտվեց, բայց ցուցադրած խաղով ընդհանրապես արժանի չէր դրան։ Այժմ Չեմպիոնների լիգայի 7-ակի գավաթկիրն առաջին միավորները վաստակելու շատ լավ շանս ունի։
A Սերիայի 8-րդ տուրում «Միլանը» թրիլերային մրցավեճ անցկացրեց «հանդուգն» «Վերոնայի» հետ և պարտվելով 2 գնդակի տարբերությամբ՝ կարողացավ հաղթանակ կորզել։ Կամային որակներով, թերևս, քիչ թիմեր կարող են մրցել հյուրերի հետ։ Միջազգային դադարից հետո «վիրավոր» «Միլանը» մարտական պատրաստության թեստը գերազանց հանձնեց և մեծ ոգևորությամբ է մոտենում «Պորտուի» հետ դիմակայությանը։ Պիոլիի թիմը կադրային ծանր խնդիրներ ունի, բայց չի ընկրկում, իսկ դա արժանի է ծափահարությունների։
«Պորտուն» 60-րդ եվրագավաթային մրցաշրջանն է անցկացնում։ Ասեմ ավելին՝ «Վիշապները» վերջին 10 տարում իրենց մշտական տեղն ունեն եվրոպական ամենահեղինակավոր ակումբային մրցաշարում։
Սերժիու Կոնսեյսաուի թիմն, ինչպես «Միլանը», ներքին առաջնությունում ընթանում է առանց պարտության և նույնպես 2-րդ տեղում է։ Հետաքրքիր է, որ 2 թիմերն էլ 8 խաղում 18 գնդակ են խփել, իսկ սա նշանակում է, որ «Դրագաու» ստադիոնում թեժ է լինելու։
Հանդիպումը սպասարկելու է գերմանացի մրցավար Ֆելիքս Բրիխը։ 46-ամյա հեղինակավոր մասնագետը Չեմպիոնների լիգայի նախորդ 89 հանդիպումներում 339 դեղին քարտ է ցույց տվել, 29 անգամ գրպանից հանել է կարմիրը և 35 անգամ էլ 11 մետրանոց նշանակել։
Կարծում եմ՝ այս դիմակայությունում էլ Բրիխն առնվազն 5 անգամ գլխավերևում կպահի դեղին քարտը։ Ընտրում եմ դեղին քարտերի տոտալը 4.5-ից շատ խաղադրույքը, որի համար Vbet-ը սահմանել է 1․97 գործակիցը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: