Լոնդոնի «Արսենալի» և Անգլիայի հավաքականի նախկին ֆուտբոլիստ, Sky Sports-ի փորձագետ Պոլ Մերսոնը կանխատեսում է արել ԱՊԼ-ի առաջին տուրի «Բորնմութ» — «Մանչեսթեր Յունայթեդ» հանդիպման վերաբերյալ:
Այս մրցաշրջանում մտահոգված եմ «Բորնմութով»: Այն հրաշալի թիմ է, բայց մրցակիցներն արդեն հարմարվել են նրան: «Բորնմութը» անցած մրցաշրջանը լավ նոտայով չավարտեց և ի լրումն կորցրեց Մետ Ռիչիին:
Կարծում եմ, որ «Մանչեսթեր Յունայթեդը» բավական հարմարավետ հաղթանակ կտոնի: Իբրահիմովիչի ներկայությունը զգացվում է: Նա շատ վստահ է: Ես պարզապես չեմ կարողանում պատկերացնել, թե ինչպես «Բորնմութը» պետք է դիմադրի «Յունայթեդին»: