«Օլիմպիակոս» – «Սլովան»։ Ռոբերտ Գասպարյանի կանխատեսումը
«Օլիմպիակոսն» իրոք զարմացրեց Չեմպիոնների լիգայի որակավորման փուլում։ «Մաքաբիի» հետ առաջին խաղում հունական ակումբը հյուրընկալվելիս շատ լավ խաղ ցուցադրեց և տուն վերադարձավ ոչ-ոքի արդյունքով: Թվում էր՝ «կարմիր-սպիտակները» խաղում են իրենց տրիբունաների աչքի առաջ, որտեղ հեշտությամբ կարող են հաղթել ու դուրս գալ հաջորդ փուլ, բայց ամեն ինչ ճիշտ հակառակը ստացվեց. «Օլիմպիակոսն» անսպասելիորեն ջախջախիչ պարտություն կրեց՝ բաց թողնելով 4 անպատասխան գնդակ։
Ինչպես «Օլիմպիակոսը», այնպես էլ «Սլովանը» Չեմպիոնների լիգայի որակավորման հաջորդ փուլ դուրս գալու մեծ հեռանկար ուներ, բայց անմտորեն կորցրեց այն։ Բրատիսլավայի ակումբը հանդիպեց «Ֆերենցվարոշի» հետ, որի դեմ արտագնա հանդիպումն ավարտեց հաղթանակով՝ 2-1։ «Սլովանից» ամենաքիչն էին սպասում, որ թիմը կպարտվի սեփական խաղադաշտում։ Գրեթե ամբողջ հանդիպման ընթացքում Տիգրան Բարսեղյանն ու ընկերներն ունեին առավելություն, սակայն հատկապես վերջնամասում կորցրին խաղի թելն ու հիմնական ժամանակի վերջում Ստանիսլավ Չերչեսովի տղաները բեկեցին հանդիպման ընթացքը՝ 4։1։
Հետաքրքիր է, բայց այս թիմերը միմյանց հետ մրցել են նաև նախորդ մրցաշրջանի Եվրոպա լիգայի որակավորման փուլում։ Նախորդ անգամ երկու խաղերի արդյունքում հաջողությունն ուղեկցել է հունական թիմին։ Իհարկե, երկու թիմերն էլ առաջին խաղում շատ զգույշ կլինեն։ Կարծում եմ, որ «Սլովանը» տանը չի պարտվի, գոլերի տեսանկյունից էլ երկրպագուները դժգոհ չեն լինի։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: