«Ուրալ» – «Կրասնոդար»։ Ռոբերտ Գասպարյանի կանխատեսումը
«Ուրալը», ըստ ամենայնի, կրկին մտադիր է գոյատևման համար պայքարել։ Իգոր Շալիմովի տղաները պիտի իրենց լավագույն ֆուտբոլը ցուցադրեն, հակառակ դեպքում ստիպված կլինեն իջնել Առաջին լիգա։ Իհարկե, առաջնության սկզբում պետք չէ լուրջ ակնկալիքներ ունենալ «Ուրալից», այդ պատճառով ականատես եղանք «Մեղուների» կատարմամբ երկու ոչ այնքան արտահայտիչ հանդիպման։ Սկզբում նրանք առանց լուրջ պայքարի պարտվեցին ԲԿՄԱ-ին` 0։2, իսկ հետո ջախջախվեցին Պրեմիեր լիգայի նորեկ «Օրենբուրգից»՝ 0։3: Հիմա «Նարնջագույնները» մրցաշարային աղյուսակում միայն նախավերջինն են ու նույնիսկ չունեն խփած գնդակ։
«Կրասնոդարի» համար մրցաշրջանի մեկնարկը նույնպես բարդ է։ Անցած առաջնության երկրորդ կեսում «Ցլերին» ոչ ոք չէր հավատում, բայց նրանք անսպասելիորեն հիանալի ելույթ ունեցան գրեթե բոլոր խաղերում՝ վերջնական արդյունքում զբաղեցնելով 4-րդ տեղը։ Այժմ հարավցիների կազմն ավելի է ուժեղացել, սակայն դրանից արդյունքն այդքան էլ չի փոխվել։ Առաջին տուրում Ալեքսանդր Ստորոժուկի տղաները չկարողացան հաղթել «Ֆակելին»՝ 2։2։ Երկրորդ տուրում ակնկալվում էր «Սպարտակի» դեմ «զիլ» խաղ, սակայն մայրաքաղաքայինները քարը քարի վրա չթողեցին մրցակցից՝ 4։1։
Ռուսաստանի Պրեմիեր լիգայում թիմերը միմյանց հետ 18 անգամ են մրցել. տոտալ առավելությունը «Կրասնոդարինն» է՝ 10 հաղթանակ և միայն 3 պարտություն։ Ավելին. նախորդ մրցաշրջանում այս թիմերը հանդիպել են 2 անգամ, կրասնոդարցիները հաղթանակ են տարել՝ 3։0 և 2։1։ Ակնհայտ է, որ երկու թիմերն էլ այժմ լավագույն մարզավիճակում չեն, բայց ֆավորիտը «Ցլերն» են։ «Ուրալի» և «Կրասնոդարի» դիմակայությունը վերջին տարիներին զարմանալիորեն արդյունավետ էր. նախորդ 6 հանդիպումներում մրցակիցները միմյանց խփել են 20 գոլ։ Այսինքն կա հավանականություն, որ «Կրասնոդարը» գոլ կխփի ու կհաղթի։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: