Ուկրաինա – Հայաստան։ Ռոբերտ Գասպարյանի կանխատեսումը
Ուկրաինայի ազգային հավաքականը վերջին շրջանում գրագետ, ագրեսիվ ու հետաքրքիր ֆուտբոլ է ցուցադրում։ Գուցե զարմանալի էր, բայց ուկրաինացիները կարողացան ԱԱ-2022-ի փլեյ-օֆֆի կիսաեզրափակիչում 3։1 հաշվով հաղթել Շոտլանդիայի հավաքականին։ Այնուամենայնիվ, եզրափակիչում ուկրաինացիները պարտվեցին Ուելսի հավաքականին և չկարողացան ԱԱ-2022-ի ուղեգիր նվաճել։
Չնայած դրան, Ուկրաինայի ազգային հավաքականն Ազգերի լիգան մեկնարկեց Իռլանդիայի նկատմամբ արտագնա հաղթանակով (1:0) և դա այն դեպքում, երբ թիմը խաղում էր գրեթե երկրորդ կազմով։ Այս փաստը պետք է հաշվի առնել, քանի որ Հայաստանի հավաքականի դեմ հանդիպմանն այն կարող է վճռորոշ լինել։
Ռուսլան Մալինովսկին, Անդրեյ Յարմոլենկոն, Ալեքսանդր Զինչենկոն հանգստի հնարավորություն էին ստացել։ Իսկ Խոակին Կապառոսը Շոտլանդիայի հավաքականի դեմ խաղում ընդամենը 1 փոփոխություն էր կատարել մեկնարկային կազմում, քանի որ չէր կարող իրեն նման շռայլություն թույլ տալ և լիովին թարմացնել կազմը։ Նույն իրավիճակը կլինի նաև այս խաղում։ Դժվար է ակնկալել, որ նույնիսկ վնասվածքով խաղացող Վարազդատ Հարոյանը, կամ Տիգրան Բարսեղյանն այս խաղում կմնան պահեստայինների նստարանին։
Այնուամենայնիվ, այս հավաքականների միջև դիմակայությունները միշտ էլ պատմականորեն հետաքրքիր են ստացվել։ Հայաստանի և Ուկրաինայի հավաքականները միմյանց դեմ խաղացել են 8 անգամ։ Ցավոք, Հայաստանի հավաքականը հաղթանակ չի տարել։ 5 անգամ հաղթել են ուկրաինացիները, 3 խաղ էլ ավարտվել է ոչ-ոքի։
Դժվար է ասել, որ այս անգամ հաջողությունը կժտա Հայաստանի հավաքականին։ Ամեն դեպքում, ես կլինեմ լավատես ու, հաշվի առնելով վերջին խաղերի դրական դինամիկան, ենթադրում եմ, որ ուկրաինացիների դեմ մենք կարող ենք կռիվ տալ։ Հավատում եմ, որ Հայաստանի հավաքականը չի պարտվի առաջիկա խաղում։ Այս խաղադրույքի համար սահմանվել է 4․10 գործակիցը։
«Գոլերի Լիգա» ու շահումային «գոլեր խփելու» հնարավորություն: Նոր ակցիա Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: