Ուիքենդյան սուպերէքսպրեսս. խաղում ենք 12.56 գործակցով
«Բորուսիա» — «Բավարիա»
Թերեւս, Բունդեսլիգայի 2015/16 թթ. մրցաշրջանի կենտրոնական հանդիպումն է լինելու: Նախորդ տուրի «Մայնցի» դեմ տնային խաղում սայթաքելով՝ «Բավարիան» վերադարձրեց չեմպիոնական ինտրիգը:
Տանտերերից խաղին չի մասնակցի Սոկրատիսը: Պեպ Գվարդիոլայի տրամադրության տակ չեն Ժերոմ Բոատենգը, Խավի Մարտինեսն ու Հոլգեր Բադշտուբերը:
Այս խաղից առաջ երկու թիմերն էլ հետաքրքիր վիճակագրություն ունեն: «Բորուսիան» հաղթել է Բունդեսլիգայի վերջին 7 տնային խաղերում, իսկ «Բավարիան» նախորդ 12 արտագնա հանդիպումներից 11-ում չի պարտվել:
Հաշվի առնելով, որ Թոմաս Տուխելի թիմը չեմպիոնական տիտղոսին հասնելու հնարավորություն ունենալու համար պետք է հաղթի այս խաղում, ասել է, թե մոտիվացված է, ընտրում եմ «տանտերերի հաղթանակ» խաղադրույքը:
«Քրիստալ Փելաս» — «Լիվերպուլ»
Յուրգեն Կլոպի հաջորդ մրցակիցն Ալան Պարդյուն է: Վերջինիս գլխավորությամբ «Քրիստալ Փելասը» պարտվել է ԱՊԼ-ի վերջին 4 տնային խաղերում: Ի տարբերություն «Լիվերպուլի», որը ներքին առաջնության նախորդ 3 խաղերում 7 միավոր է վաստակել:
«Լիվերպուլը» խաղին մոտենում է բարձր տրամադրությամբ: ԱՊԼ-ի շրջանակներում վերջին երեք խաղերում «կարմիրները» պարտություն չեն կրել: Բացի այդ, հիվանդասենյակը նախկինի պես մարդաշատ չէ: Այնտեղ են մնացել միայն Ջո Գոմեսը, Դենի Ինգզը, Քեւին Սթյուարթը եւ Լուկաս Լեյվան: Հարձակման գիծն էլ փայլում է. ՊԼ-ի նախորդ երեք խաղերում թիմը նվազագույնը երկու գոլ է խփել:
Հաշվի առնելով այս ամենը՝ ընտրում եմ «հյուրերի հաղթանակ» խաղադրույքը:
«Սասուոլո» — «Միլան»
Սինիշա Միխայլովիչի թիմի անպարտելի խաղերի շարքը շարունակվում է: «Ռոսոներները» վերջին 12 խաղում պարտության դառնությունը չեն ճաշակել: Մրցակիցը վերջին շրջանում անկայուն հանդես եկող «Սասուոլոն» է:
Առաջին շրջանի խաղում «Միլանը» 2:1 հաշվով հաղթել էր: Բայց պետք է նշել, որ վերջին չորս խաղում «Սասուոլոն» պարտություն չունի՝ 2-ական հաղթանակ եւ ոչ-ոքի:
«Ռոսոներներից» հանդիպումը բաց կթողնեն վնասվածք ստացած Մ՛Բայե Նյանգը եւ որակազրկված Ինացիո Աբատեն: Առաջինի բացակայությունը կարող է հնարավորություն տալ գործի մեջ տեսնել Մարիո Բալոտելիին, ով Ա Սերիայում դեռեւս խաղաժամանակ չի ստանում: Բայց «Ալեսանդրիայի» հետ գավաթային խաղում Սուպեր Մարիոն խաղաց եւ անգամ գոլի հեղինակ դարձավ:
Այս խաղում ֆավորիտը հյուրերն են: Կարծում եմ՝ թեկուզ դժվարությամբ, բայց նրանք հաղթանակ կտոնեն:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: