«Ուդինեզե» – «Չելսի»։ Ռոբերտ Գասպարյանի կանխատեսումը
Շատ երկրներում նոր մրցաշրջանի մեկնարկին մնացել են շաբաթներ։ Իտալիայում և Անգլիայում դեռևս նախամրցաշրջանային ընդմիջում է: Լավ մարզավիճակ հավաքելու համար «Ուդինեզեն» ու «Չելսին» ընկերական հանդիպում կանցկացնեն։ Անցած մրցաշրջանում Ուդինեի ակումբն առաջնությունն ավարտեց 12-րդ տեղում։ Ֆինանսական խնդիրների պատճառով լուրջ տրանսֆեր իրագործել դեռ չի հաջողվել։ Գերխնդիրը շնորհալի Մանուել Մոլինային պահելն էր, սակայն դա էլ չստացվեց. արգենտինացի պաշտպանը տեղափոխվեց Մադրիդի «Ատլետիկո»: Կորուստը շատ լուրջ է։ Վերջերս Մոսկվայի ԲԿՄԱ-ից իտալական ակումբ տեղափոխված Յակա Բիոլը կդառնա՞ Մոլինային համարժեք փոխարինող. դեռ դժվար է ասել։
Չելսին» նույնպես այս պահին դժվար ժամանակներ է ապրում: Վերջերս կայացած ընկերական խաղում թիմը ջախջախիչ պարտություն կրեց «Արսենալից»՝ 0։4: Թոմաս Տուխելը գոհ չէր արդյունքից։ Հարցազրույցներից մեկում գերմանացին քննադատել է իր՝ լազարեթում գտնվող ֆուտբոլիստներին և ղեկավարությանը, որը առանձնապես չի ուժեղացնում կազմը։ Այս պահին «Թոշակառուների» կազմը համալրվել է միայն երկու նորեկ՝ Ռահիմ Ստերլինգը ու Կալիդու Կուլիբալին։ Մինչդեռ թիմն արդեն լքել է երեք խաղացող՝ պաշտպաններ Անդրեաս Քրիստենսենն ու Անտոնիո Ռյուդիգերը, ինչպես նաև հարձակվող Ռոմելու Լուկակուն։
Կարծում եմ՝ «Չելսին» հեշտությամբ կհաղթի իտալացիներին։ Լոնդոնցիները պետք է վերականգնեն իրենց խարխլված հեղինակությունն «Արսենալից» կրած պարտությունից հետո։ Հավատում եմ, որ փորձառու Թոմաս Տուխելը, որի հետ լոնդոնցիներն ահռելի հաջողությունների են հասել ոչ վաղ անցյալում, կգտնի իրավիճակը շտկելու ճանապարհը և առնվազն 1-2 գնդակի առավելությամբ կհաղթի։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: