Նորվեգիա – Հայաստան: Էդուարդ Քալանթարյանի կանխատեսումը
Ողջույն.
Ֆուտբոլի Հայաստանի ազգային հավաքականն ընկերական առաջին խաղում հաղթեց Չեռնոգորիային և բարձ տրամադրությամբ մեկնել է Օսլո, որտեղ ևս մեկ ընկերական խաղի շրջանակում կհանդիպի Նորվեգիայի ընտրանու հետ:
Չեռնոգորիայի հետ խաղից առաջ գրել էի, որ այս հանդիպումները շատ հարմար են փորձարկումների համար: Խոակին Կապառոսն այդ փորձարկումներն արեց՝ դաշտ դուրս բերելով երիտասարդ ֆուտբոլիստների, որոնք նշեցին իրենց նորամուտն ազգային հավաքականում: Բացի այդ, իսպանացի մասնագետը որոշ տակտիկական փորձարկումներ արեց: Թերևս միակ «չփորձարկված» դիրքը մնաց դարպասապահինը, որտեղ ամբողջ հանդիպումն անցկացրեց մեր թիմի հիմնական խաղացողը: Դավիդ Յուրչենկոն լավագույն վիճակում չէ, բայց նրան փոխարինել և ավելի երիտասարդ դարպասապահներին խաղի մեջ տեսնել Կապառոսը չցանկացավ: Հնարավոր է՝ դա տեղի ունենա Օսլոյում: Ամեն դեպքում պարզ է մեկ բան. երկրորդ մրցակիցն ավելի ուժեղ է բառի բոլոր իմաստներով:
Նորվեգիան հանգիստ կարող էր պայքարել աշխարհի առաջնության եզրափակիչ փուլի ուղեգրի համար, եթե մեկ խմբում չլիներ Նիդեռլանդների և Թուրքիայի հետ: Այնտեղ ամեն ինչ վճռվեց վերջին տուրերում: Սկանդինավներն ամուր են ֆիզիկապես, բայց վաղուց չեն խաղում միայն դրա հաշվին: «Արսենալի» առաջատար Մարտին Էդեգորն ապացուցում է, որ տեխնիկապես հարուստ նորվեգացիների առկայությունը համաշխարհային ֆուտբոլում միֆ չէ: Եվ, ի վերջո, Նորվեգիայի կազմում է եկող ամռան տրանսֆերային շուկայի ամենամեծ կռվախնձորը: Էրլինգ Հոլանդը կարծես երբեք չի հօգնի գոլ խփելուց: Նա դարձավ նորվեգացիների երկու գոլերից մեկի հեղինակը Սլովակիայի հետ ընկերական խաղում: Վստահաբար, շիկահեր հրաշամանուկն ամեն ինչ կանի նաև մեզ հետ խաղում աչքի ընկնելու համար:
Ամեն դեպքում, այսօրվա Նորվեգիան միայն Հոլանդը չէ: Նրա կողքին իսկական եվրոպական աստղաբույլ է: Էդեգորի մասին արդեն խոսեցի, ծայրահեղ վտանգավոր են Ալեքսանդր Սորլոտը «Ռեալ Սոսյեդադից», Մոհամեդ Էլյունուսին «Սաութհեմփթոնից», Մորտեն Տորսբյուն «Սամպդորիայից»: Ցուցակը կարելի է շարունակել:
Կապառոսը պետք է ունենա այդ տղաներին կանգնեցնելու մի քանի տարբերակ, բայց կա վտանգ, որ ոչ մեկը չի աշխատի: Մերոնք կարող են գոլ խփել Օսլոյում, բայց սեփական դարպասն անառիկ պահելը ծայրահեղ բարդ խնդիր է:
Կարծում եմ՝ նորվեգացիները կհաղթեն և խաղում կլինի առնվազն երեք գոլ: Առաջինը կուրախանամ, եթե բոլոր գոլերը հայտնվեն տանտերերի դարպասում:
15 000 000 դրամ մրցանակային ֆոնդով Predictor մրցաշար Vbet.am-ից
Մրցույթ․ Նորվեգիա – Հայաստան․ Գուշակե՛ք հաշիվը և շահեք 10 000 դրամ
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: