Ռուսաստանի մինչև 17 տարեկանների հավաքականի կազմում Եվրոպայի չեմպիոն, «Զենիթի», «Ամկարի» և «Տոմի» նախկին ֆուտբոլիստ Ալեքսեյ Գասիլինը «Բուքմեյքերների ռեյտինգի» համար կանխատեսում է արել Նիդերլանդներ – Բելգիա Ազգերի լիգայի խաղարկության խմբային փուլի 6-րդ տուրի հանդիպման վերաբերյալ:
Այսօր խոսելու ենք Նիդերլանդներ – Բելգիա մրցավեճի մասին: Թիմերը պայքարում են եզրափակիչ փուլ դուրս գալու համար: Հոլանդացիները վաստակել են 13 միավոր, իսկ Բելգիան՝ 10: Եթե Բելգիան հաղթի, ապա պետք է հաղթի խոշոր հաշվով, որովհետև Նիդերլանդներում պարտվել էր 1:4: Մի քանի օր առաջ թիմերը հաղթանակ տարան: Նարնջագույնները վստահ առավելության հասան լեհերի նկատմամբ, իսկ բելգիացիները՝ Ուելսի:
Դե Բրույնեն, Ազարը և Կարասկոն լավ մարզավիճակում են: Միակ բանը, որ ինձ դուր չի գալիս՝ դանդաղ պաշտպանությունն է: Վստահ եմ, որ հոլանդացիների արագ հարձակման գիծը կկարողանա օգտվել դրանից: Նիդերլանդները նաև ամուր պաշտպանություն ունեն և կարող են փակվել 90 րոպե: Բայց այս հավաքականը խաղալու է տանը, հետևաբար, շեշտը դնելու են գրոհների վրա: Բելգիան էլ կորցնելու ոչինչ չունի: Այդ պատճառով էլ կարծում եմ, որ հանդիպումը գոլառատ կլինի: