«Միլան» — «Սասուոլո». Ռոբերտ Գասպարյանի կանխատեսումը
Իտալական Ա Սերիան վաղուց կորցրել է հմայքն ու գրավչությունը: Սակայն Կալչոյի իսկական սիրահարները երբեք չեն փոխի իրենց առաջնությունը Պրեմյեր լիգայի կամ էլ Լա լիգայի հետ: Այստեղ ամեն բան այլ է: Թեպետ մեծ գումարներ Ապենինյան թերակղզում պտտվում են միայն 1 թիմի շուրջ, բայց կիրքն ու ֆուտբոլ խաղալու ձգտումը կա բոլորի մոտ: «Սասուոլոն» երջանիկ է, որ առաջիկա տուրում մրցակիցը «Միլանն» է: Հասկանանք` ինչու՞:
«Ռոսսոներները» շարունակում են իրենց «ֆուտբոլի» փնտրտուքները: Եթե կարծում եք, որ հնարավոր չէ մի խաղի ընթացքում 5 անգամ փոխել խաղաոճն ու բարելավել կամ վատթարացնել խաղի որակը, ուրեմն նայեք «Միլանի» ցուցադրած ֆուտբոլը: Ունենալով հիանալի ֆուտբոլիստներ՝ «Միլանը» չի կարողանում գտնել ճիշտ խաղաոճ: Վինչենցո Մոնտելլան, ճիշտ է, անում է ամեն ինչ, բայց դեռ շատ աշխատանք կա կատարելու: Առայժմ նա չի կարողանա հույս դնել Բերտոլաչիի, Սապատայի ու Լուկա Անտոնելլիի վրա: Փոխարենը հիասքանչ մարզավիճակում է Կառլոս Բակկան: Կոլումբացի ֆուտբոլիստը կփորձի աչքի ընկնել հերթական անգամ ու շարունակել պայքարը լավագույն ռմբարկուի տիտղոսի համար:
Այս թիմը «Միլանի» ահ ու սարսափն է: Մի քանի տարի է, ինչ «ռոսսոներները» ոչ մի կերպ չեն կարողանում վստահ հաղթանակ տանել կանաչ-սև բանակի նկատմամբ: Վերջին 6 խաղերից «Սասուոլոն» հաղթել է 4-ում, «Միլանը»` 2-ում: Ինչպես նկատում ենք, ոչ-ոքի արդյունք չկա: Եվ դա, մեծապես, Դոմենիկո Բերարդիի ջանքերով: Իտալացի հարձակվողը համարվում է Միլանի «մասնագետը»: 2014 թվականի հունվարի 12-ին նա 4 գնդակ է ուղարկել «Միլանի» դարպասը: Այս անգամ նրա մասնակցությունը խաղին հարցականի տակ է: Չեն մասնակցի հանդիպմանը նաև Ալեսանդրո Մատրին ու Պաոլո Կաննավարոն: Փոխարենը գերազանց մարզավիճակ է հավաքել Գրեգուար Դեֆրելը: 25-ամյա ֆրանսիացին մինչև «Գենտի» հետ հանդիպումը աչքի էր ընկել 8 խաղում անընդմեջ: Իր անվան դիմաց Ա սերիայում նա արդեն ունի գրանցած 4 գնդակ:
Քանի որ Բակկան «Միլանի» միակ գոլ խփող ուժն է, կանխատեսում եմ, որ հենց նա էլ կդառնա գոլի հեղինակ:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: