«Լիվերպուլի» և Իռլանդիայի հավաքականի նախկին պաշտպան, BBC հեռուստաընկերության փորձագետ Մարկ Լոուրենսոնը կանխատեսում է արել Եվրո-2016-ի խմբային փուլի երկրորդ տուրի Ուկրաինա — Հյուսիսային Իռլանդիա հանդիպման վերաբերյալ:
Լեհաստանի դեմ առաջին խաղում Հյուսիսային Իռլանդիան վատ չխաղաց, չնայած եթե 2-3 գնդակ բաց թողներ, չէր կարող բողոքել: Եզրափակիչ մրցաշարը նրա համար մեծ քայլ առաջ է:
Սա Մայքլ Օ՛Նիլի սաների համար ամենակարևոր խաղն է, հաշվի առնելով, որ վերջին տուրում նրանք խաղալու են Գերմանիայի դեմ: Բայց խնդիրն այն է, որ չեմ տեսնում, թե ինչպես նրանք կարող են արդյունքի հասնել:
Եթե Հյուսիսային Իռլանդիան գնա առաջ, ապա կբացվի, և ես հույս ունեմ, որ դա տեղի չի ունենա:
Ուկրաինան Գերմանիայի դեմ պարտված խաղում մի քանի պահ ուներ, բայց թվաց, թե ուկրաինացիները գիտեին, որ այդ խաղում երկրորդն են լինելու: Նման մոտեցում Լիոնում չի լինի, և ես խաղադրույք եմ կատարում ուկրաինացիների 2:0 հաշվով հաղթանակի վրա: