«Մանչեսթեր Յունայթեդ» – «Նոթինգեմ Ֆորեսթ»։ Ռոբերտ Գասպարյանի կանխատեսումը
«Մանչեսթեր Յունայթեդն» իր պատմության մեջ երկրորդ անգամ ստիպված է նոր հարձակվող փնտրել Կրիշտիանու Ռոնալդուի հեռանալու պատճառով։ Սակայն, եթե ավելի քան 10 տարի առաջ պորտուգալացու տրանսֆերից «Կարմիր սատանաները» մեծ գումար ստացան, հիմա իրավիճակը լրիվ հակառակն է։ Թիմի գլխավոր մարզիչ Էրիկ տեն Հագը, կարծես, առանձնապես չի էլ մտահոգվում այդ առիթով. «Բարնլիի» նկատմամբ Լիգայի գավաթի 1/8 եզրափակիչում տարած հաղթանակը հույս է ներշնչում, որ առաջիկայում առանց CR7-ի կարելի է պայքար մղել։
ԱՊԼ-ի 17-րդ տուրում «Յունայթեդի» մրցակիցը կլինի սկանդալային «Նոթինգեմ Ֆորեսթը»։ Ինչո՞ւ սկանդալային. Չեմպիոնների գավաթի կրկնակի դափնեկիրն ամառային տրանսֆերային պատուհանի ընթացքում «ագահ անկուշտի» պես դուրս էր եկել «շոփինգի»՝ ճանապարհին գնելով բոլոր պատահած ֆուտբոլիստներին։ Արդյունքները, մեղմ ասած, սարսափելի են. «Նոթինգեմ Ֆորեսթը» մրցաշարային աղյուսակում միայն 19-րդն է։ Այո, վերջին 4 խաղում թիմը կարողացել է տանել 2 հաղթանակ, սակայն «Յունայթեդին» հաղթելու համար դա քիչ կլինի։
Տեն Հագի թիմն էլ կայունությամբ չի փայլում. «Տոտենհեմին» հաղթելուց հետո հնարավոր չէր պարտվել «Ասթոն Վիլային», բայց «Կարմիր սատանաները» հերքեցին այդ պնդումը։ «Անտառայինների» դեմ խաղում, գուցե, նորից Կազեմիրոյին տեսնենք կենտրոնական պաշտպանի դիրքում, քանի որ պաշտպանսությունում կան խնդիրներ. Լիսանդրոն ու Վարանը հանգստանում են, իսկ Մագուայրը մրսածություն ունի։ Վնասվածք ունի Ջեյդոն Սանչոն։ Ըստ երևույթին, հարձակման կրակագծում նորից կտեսնենք Անտոնի Մարսիալին, մինչև տրանսֆերային պատուհանի ընթացքում թիմի ղեկավարությունը կփորձի ձեռք բերել նոր հարձակվողի։ Հերթական անգամ իրեն դրսևորելու հնարավորություն կստանա նաև Անտոնին։
Կարծում եմ, որ այս խնդիրներով «Յունայթեդը» չի կարողանա խուսափել գոլ ընդունելուց, սակայն մրցակցի կազմի թուլությունն այլ ելք չի թողնում, քան կանխատեսել երկու թիմերի գոլ խփելն և «Ման. Յունայթեդի» հաղթանակը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: