«Մանչեսթեր Յունայթեդ» — «Էվերթոն». Ռոբերտ Գասպարյանի կանխատեսումը

23:00, 04 ապր 2017
Խաղում է
Ֆուտբոլային մեկնաբան, Vivaronews.am կայքի լրագրող, հաղորդավար Ռոբերտ Գասպարյանը կանխատեսում է արել Անգլիայի Պրեմիեր լիգայի 31-րդ տուրի «Մանչեսթեր Յունայթեդ» — «Էվերթոն» հանդիպման վերաբերյալ: Մեր փորձագետը կարծում է, որ Ժոզե Մոուրինյոյի թիմը հաղթանակ կտանի ու առնվազն երկու գնդակ կխփի: 

2017 թվականին «Էվերթոնը» բավական հաջող հանդիպումների շարք է ցույց տվել, ինչի շնորհիվ կարողացել է մոտենալ լավագույն հնգյակին, իսկ մի քանի հաջող խաղեր անցկացնելու պարագայում կարող էր հույս ունենալ չեմպիոնլիգյան ուղեգիր ստանալ: Դրա համար պետք էր երկու հաջող հանդիպում անցկացնել: Առաջինը՝ «Էվերթոնը» մերսիսայդյան դերբիում պարտվել է «Լիվերպուլին», իսկ արդեն այսօր «Օլդ Թրաֆֆորդում» կմրցի «Մանչեսթեր Յունայթեդի» հետ: Համաձայնեք, որ բարդ խնդիր է:

Ինչ վերաբերում է «Մանչեսթեր Յունայթեդին», ապա վերջին 7 խաղերում մանկունիանցիները տարել են ընդամենը 3 հաղթանակ, և այս խաղը նույնպես կարևոր նշանակություն ունի: Եթե այսօր «Յունայթեդը» չկարողանա հաղթանակ տանել, ապա պետք է, ըստ երևույթի, մոռանա լավագույն քառյակում տեղ զբաղեցնելու մասին, որովհետև մրցակիցները բավականին հեռու են գնացել, և միայն այդ պարագայում Ժոզե Մոուրինյոյին մնում է մտածել Եվրոպա լիգայում խաղալու հնարավորություն տվող հորիզոնական զբաղեցնելու մասին:

Զլատան Իբրահիմովիչն ու Անդեր Հերերան արդեն կարող են խաղադաշտ դուրս գալ, որովհետև ավարտվել են նրանց որակազրկումները: Ժոզե Մոուրինյոն խաղից առաջ նշել է, որ միայն Իբրան ու Մատան են ամենաստաբիլը խաղում: Մատան այլևս չի խաղա, որովհետև վնասվածք ունի, իսկ ահա Զլատանը խաղադաշտ դուրս կգա: Կա հավանականություն, որ կխաղա Պոլ Պոգբան, ով վնասվածք ուներ, բայց հասցրել է ապաքինվել, սակայն դրա հավանականությունը քիչ է: Սպասվում է, որ կենտրոնում մեծ դեր կխաղան Հերերան, Քարիկն ու Մխիթարյանը, իսկ եզրերում կլինեն Ռեշֆորդն ու Լինգարդը:

Ինչ վերաբերում է «Էվերթոնին», ապա այստեղ մի քանի ֆուտբոլիստներ չեն լինելու: Քոուլմենը և Շնայդերլինը լուրջ վնասվածքներ ունեն, և նրանք այս մրցաշրջանում այլևս խաղադաշտ դուրս չեն գա: Երիտասարդ խաղացողներին խաղալու հնարավորություն կտրվի՝ Թոմ Դեյվիս, Դոմինիկ Կալվերտ-Լեյվին, Մեթյու Պենինգտոն: Բայց նորից այստեղ պետք է ուշադրություն դարձնել Ռոմելու Լուկակուի ներկայությանը:

Ենթադրելի է, որ այսօր «Մանչեսթեր Յունայթեդը» հաղթանակ կտանի, քանզի թիմն ավելի նպատակասլաց է խաղում: Հետևաբար կարելի է ընտրել «Ման. Յունայթեդի» հաղթանակը տոտալ 1,5 գոլից շատ տարբերակով, որի գործակիցը 1,88 է:

Օրդինար: Պարտված
ԱՊԼ, 31-րդ տուր
23:00/4 ապր
«Մանչեսթեր Յունայթեդ» - «Էվերթոն»
Այս խաղադրույքը կհաղթի՞
Քվեարկել է 0 մարդ
Կհաղթի՛ 50%
Չի՛ հաղթի 50%
Կհաղթի՛
Չի՛ հաղթի
Սխա՞լ գտաքՀաղորդեք դրա մասին
Հարցե՞ր են մնացել: Դիմեք մեր գիտակներին:
Մեկնաբանություններ