«Մանչեսթեր Յունայթեդ» — «Չելսի». Արթուր Պետրոսյանի կանխատեսումը

Առաջին շրջանում «Չելսին» ոչ մի շանս չթողեց «ՄՅՈՒ»-ին՝ հաղթելով «Սթեմֆորդ Բրիջում» 4:0 հաշվով: Գրեթե այդպիսի հաշիվ կարող էր լինել նաև Անգլիայի գավաթի մարտյան քառորդ եզրափակչում, բայց այնժամ՝ կատարելով 15 հարված չորսի դեմ և իրացնելով 10 անկյունային երկուսի դեմ, լոնդոնցիները հրաշքով սահմանափակվեցին նվազագույն՝ 1:0 հաղթանակով:

Թիմերում գործերի դրությունն ընդհանուր առմամբ շատ չի փոխվել: «Չելսին» վստահ քայլում է դեպի չեմպիոնի տիտղոսը՝ չտալով իր կողմը խնդիրների ոչ մի ակնարկ: Կոնտեն (ինչպես նրա ընկերը «Սպարտակում») իր խաղացողներից առավելագույնն է քաղում, որոնցից յուրաքանչյուրը խաղում է կարիերայի իր լավագույն ֆուտբոլը:

«ՄՅՈՒ»-ում խաղային խնդիրներն ինչպես կային օգոստոսին, այնպես էլ ոչ մի տեղ չեն անհետացել: Նույնիսկ չնայած հարյուրմիլիոնանոց խաղացողների և տարրական լոգիկայի առկայությանը, որի համաձայն հիանալի խաղացողները վաղ թե ուշ պետք է իրար հետ կարողանան խաղալ: Բայց ոչ, արդյունքի են հասնում Մխիթարյանի և Իբրահիմովիչի կարգի խաղացողների անհատական վարպետության շնորհիվ, որոնց, չունենալով խաղային անհրաժեշտ ու աշխատող տակտիկա, ոչինչ չի մնում, քան իմպրովիզի դիմել և իրենց կարգի շնորհիվ «Յունայթեդին» միավորներ տալ: Մոուրինյոն չի գտնում ոչինչ ավելի լավ, քան հրապարակավ դժգոհություն հայտնել նրանց գործողություններից:

Բացի այս ամենից, Եվրոպա լիգան մանկունիանցիների համար այժմ ավելի կարևոր է, քանզի, հաղթելով դրանում, նրանք կստանան Չեմպիոնների լիգայի ուղեգիր, որը ԱՊԼ-ում նրանց գրեթե արդեն չի խոստանում: Ծանր հանդիպումը Բրյուսելում նախորդ հինգշաբթի, և ոչ պակաս ծանր հանդիպումը Մանչեսթերում հաջորդ հինգշաբթի միայն համոզմունքի են բերում այն մտքում, որ «Չելսիի» հետ խաղում հարյուր տոկոսով իրենց ուժերը չեն ներդնելու նույնիսկ նրանք, ովքեր փորձել են դա անել վերջին ժամանակահատվածում: