«Մանչեսթեր Յունայթեդ» — «Բորնմութ». Ռոբերտ Գասպարյանի կանխատեսումը
«Ման. Յունայթեդի» վերջին ձախողումը թույլ է տալիս եզրակացնել, որ այսօր «Բորնմութի» հետ խաղում Ժոզե Մոուրինյոն կկատարի որոշակի փոփոխություններ թիմի հիմնական կազմում և թույլ չի տա կրկնվեն մանչեսթերյան դերբիում գրանցված սխալները: Նախ և առաջ պետք է հասկանալ, որ «Բորնմութը» և «Մանչեսթեր Սիթին» միանգամայն տարբեր թիմեր են: Այստեղ պետք է հասկանալ, որ և՛ մոտիվացիան է այլ լինելու, և՛ խաղամակարդակը: Գրեթե անհավատալի է, որ «Բորնմութը» ևս «Ման. Սիթիի» նման կկարողանա միավոր փախցնել: Նշեմ, որ «Մանչեսթեր Յունայթեդը» նորից տանն է խաղում և դժվար միավորներ կորցնի: Իհարկե, կա խաղային վստահության պակաս: Հենրիխ Մխիթարյանի մասին խոսակցությունները շարունակում են ողողել համացանցը: Բրիտանական ԶԼՄ-ները պնդում են, որ Մխիթարյանը հասցրել է հանդիպել Ժոզե Մոուրինյոյի հետ: Մանրամասներն առայժմ չեն հաղորդվում: Պետք է հուսանք, որ նրանք կկարողանան ընդհանուր լեզու գտնել:
«Կարմիր սատանաներ»-ի մոտ կան խնդիրներ միջին գծում: Պաշտպաններ Էրիկ Բային և Մարկուս Ռոխոն ունեն վնասվածքներ: Վերջինիս վնասվածքը լուրջ չէ, բայց Բային ու ինչպես նաև Մայքլ Կարիկը հաստատ բաց կթողնեն հանդիպումը: Բացի այդ, որակազրկված է Պոլ Պոգբան: «Բորնմութի» կազմում Բրեդ Սմիթն ու Տայրոն Մինգսը վնասվածքներ ունեն: Հարց է ծագում, թե արդյոք Մխիթարյանն այս անգամ խաղալու հնարավորություն կընձեռնվի: Անգլիական պարբերականները պնդում են, որ այս անգամ ևս նա դուրս կմնա կազմից ու կրկին կլինի Ռեշֆորդ-Լինգարդ-Մարսիալ-Լուկակու քառյակը: Հուսանք, որ այդ պարբերականները կսխալվեն ու Մխիթարյանը խաղալու հնարավորություն կստանա: Շատերը պնդում են, որ նրան Մոուրինյոն սպասում է Boxing Day-ում ու գուցե հենց այդ ժամանակ նա օգտագործվի: Խաղադրույքս ««Մանչեսթեր Յունայթեդի» գոլերը տոտալ 2,5-ից շատ» տարբերակն է, ինչի համար սահմանված է 2,02 գործակից:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: