«Մանչեսթեր Յունայթեդ» – «Աթլետիկո». Էդուարդ Քալանթարյանի կանխատեսումը
Բարև ֆուտբոլահայությանը.
Այս շաբաթ Չեմպիոնների լիգայի խաղարկությունում հայտնի կդառնան քառորդ եզրափակչի բոլոր մասնակիցները: Ինտրիգային դիմակայությունների պակաս այս մրցաշարում չի լինում, այս խաղարկությունը բացառություն չէ:
Այսօր առաջարկում եմ կենտրոնանալ «Օլդ Թրաֆորդ» ստադիոնում կայանալիք հանդիպման վրա: «Մանչեսթեր Յունայթեդը» Մադրիդում դժվարությամբ խուսափեց պարտությունից և «Աթլետիկոյի» հետ դիմակայությունում ստանձնեց ֆավորիտի կարգավիճակը: Բայց դա թղթի վրա: Անգլիայում կայանալիք խաղում ամեն ինչ միանշանակ չէ:
Այս թիմերի պայքարը մամուլը շտապեց կնքել «ճգնաժամային դերբի»՝ հաշվի առնելով, որ երկուսն էլ հեռու են իրենց լավագույն ֆուտբոլից: Երկու խաղերի միջև ընկած ժամանակում շատ բան չի փոխվել: Նույնիսկ Կրիշտիանու Ռոնալդուի հեթ-տրիկը «Տոտենհեմի» հետ խաղում թույլ չի տալիս ենթադրել, որ նրա ու մանկունիանցիների խնդիրներն անցյալում են: Անգամ այդ հաղթանակը «Յունայթեդին» ֆավորիտ չդարձրեց ԱՊԼ-ի ուժեղագույն քառյակում տեղ զբաղեցնելու համար պայքարում: Հետևաբար, Ռալֆ Ռանգնիկի թիմի լարված պայքարը երկու ճակատով է, ինչը լրացուցիչ ճնշում կառաջացնի: Բացի այդ, գրեթե ամեն օր «Կարմիր սատանաների» ճամբարից լուրեր են գալիս, որ ֆուտբոլիստների ու մարզչի հարաբերություններում ամեն ինչ, մեղմ ասած, հարթ չէ:
«Աթլետիկոն» այս մրցաշրջանում պակաս չէ ցնցվում: Վերջին տասը տարիների ընթացքում թերևս առաջին անգամ «Հնդկացիները» Լա լիգայում պայքարում են քառյակում հայտնվելու համար: Դիեգո Սիմեոնեն մադրիդյան ակումբում աշխատելու տարիներին առաջին անգամ քննադատության տակ է: Բայց այդ ամենը չի խանգարում, որպեսզի «Աթլետիկոն» առաջ շարժվի Չեմպիոնների լիգայում: Ճիշտ է, խմբից դուրս գալ հաջողվեց միայն վերջին տուրում հաղթելով Պորտուգալիայում, բայց հաջողվեց: Իսկ «Յունայթեդի» հետ տնային խաղում «Աթլետները» ցույց տվեցին այս մրցաշրջանում իրենց լավագույն խաղերից մեկը: Դա բավական չէր հաղթանակի համար, բայց շարունակությունը կարող է լինել «Օլդ Թրաֆորդում»: Սիմեոնեի տրամադրության տակ կան բավականաչափ բարձրակարգ խաղացողներ, որոնք կարող են վճռել դիմակայության ելքը: Իսկ Անգլիայում «Աթլետիկոն» կարողանում է խնդիրներ լուծել՝ «Լիվերպուլը» թույլ չի տա ստել:
Հակառակ սպասումներին, կարծում եմ, որ Մանչեսթերում գոլաշատ ֆուտբոլ կլինի և այդ գոլերից գոնե երկուսը բաժին կհասնի իսպանական թիմին: Բայց գործակիցը թույլ է տալիս ընտրել նաև ավելի ապահով տարբերակը:
15 000 000 դրամ մրցանակային ֆոնդով Predictor մրցաշար Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: