«Մանչեսթեր Սիթի» — «Լիվերպուլ». Նիկիտա Կովալչուկի կանխատեսումը
«Մանչեսթեր Սիթին» պաշտպանության տեսանկյունից հիանալի տրանսֆերային ձեռքբերումներ է կատարել: Հիմա «քաղաքայինները» շատ արագ եզրային պաշտպաններ ունեն: Թիմի կազմն ուժեղացել է և երիտասարդացել: Կարծում եմ, որ այս մրցաշրջանում Խոսեպ Գվարդիոլան պետք է լրջորեն պայքարի չեմպիոնության համար: Ընդ որում՝ կռվի հենց մինչև վերջին տուրերը, այլ ոչ թե առաջնության ավարտից մի քանի խաղ առաջ կորցնի ոսկե մեդալը նվաճելու բոլոր շանսերը:
«Լիվերպուլում» լուծել են Ֆիլիպե Կոուտինյոյի հետ կապված հարցը, բրազիլացին ոչ մի տեղ չի գնում: Անհասկանալի է, թե նա ինչ մարզավիճակում է, և կխաղա՞ արդյոք «Լիվերպուլի» կազմում, թե՞ նրան խոսք են տվել, որ տրանսֆերը հունվարին կվաճառեն: Հնարավոր է՝ ուղղակի վախեցրել են՝ շատ տարբերակներ կարող են լինել: Սակայն առանց Կոուտինյոյի էլ լիվերպուլցիները շատ լավ են մեկնարկել մրցաշրջանը: Պետք է նշել, որ այն ժամանակվանից ի վեր, ինչ թիմի հետ Յուրգեն Կլոպն է աշխատում, այն Անգլիայի առաջնության առաջատարների հետ խաղերում նվազագույն քանակով միավորներ է կորցրել: Ըստ իս՝ «Ման. Սիթիի» հետ հանդիպմանը «Լիվերպուլը» շատ լուրջ կտրամադրվի:
Այս դիմակայությունում ես նախապատվությունը Յուրգեն Կլոպի կոլեկտիվին եմ տալիս: «Լիվերպուլը» շատ արագ թիմ է, որը կարողանում է մրցակցին որսալ հակագրոհների վրա: Դրան գումարած՝ մերսիսայդցիները Կլոպի գլխավորությամբ ԱՊԼ-ի թոփ-5 թիմերի դեմ խաղերում հիանալի վիճակագրություն ունեն: Իսկ «Մանչեսթեր Սիթին» որոշակի խնդիրներ ունի խաղադաշտի կենտրոնում: Գրոհների կազմակերպման տեսանկյունից՝ շատ մեծ աշխատանք է կատարում Դավիդ Սիլվան: Առաջին հերթին՝ իսպանացին երիտասարդ չէ, երկրորդ հերթին՝ նա միակն է: Այդ պատճառով այս խաղում ռիսկի եմ դիմում և խաղադրույք կատարում հյուրերի հաղթանակի վրա:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: