«Մանչեսթեր Սիթի» — «Բարսելոնա». Ռոբերտ Գասպարյանի վիդեոկանխատեսումը

Բարև ձեզ, սիրելի ֆուտբոլասերներ, ես մարզական մեկնաբան Ռոբերտ Գասպարյանն եմ: Ինչպես գիտեք, այսօր մեկնարկում է Չեմպիոնների լիգայի խմբային փուլի չորրորդ տուրը, և բնականաբար, կենտրոնական հանդիպումը կկայանա «Էյթիհադ» մարզադաշտում, որտեղ տեղի «Մանչեսթեր Սիթին» կընդունի կատալոնական «Բարսելոնային»:

Նորից Պեպ Գվարդիոլան ընդդեմ իր նախկին թիմի, բլա բլա բլա… սրա մասին մենք բոլորս գիտենք, առաջին խաղում, ինչպես հիշում եք, «Բարսելոնան» քարը քարի վրա չթողեց մրցակցից, 4:0 հաշվով տարավ հաղթանակ: Ընդհանրապես, սա թիմերի միջև 6-րդ հանդիպումը կլինի, և մինչև այս բոլոր 5 դեպքերում հաղթանակ է տարել կատալոնական «Բարսելոնան»:

Մինչև Vivaro ընկերության առաջարկած գործակիցներին ծանոթանալը, ես նախ առաջարկում եմ ծանոթանալ մի փոքր անցնել կազմերի վրայով և հասկանալ՝ կոնկրետ ինչ կորուստներով են թիմերը մոտեցել այսօրվա խաղին և ինչպիսի կազմերով դուրս կգան խաղադաշտ: Նախ՝ մրցաշարային աղյուսակում տիրող իրավիճակի մասին. կատալոնական «Բարսելոնան» երեք խաղերից հետո ունի 9, «Մանչեսթեր Սիթին»՝ 4, Մյոնխենգլադբախի «Բորուսիան»՝ 4, և «Սելթիկը»՝ միայն 1 միավոր:

Եվ այսպես՝ «Սիթիի» կազմում կբացակայեն Բակարի Սանյան, Ֆաբիան Դելֆն ու Պաբլո Զաբալետան: Նրանք վնասվածքներ ունեն: Բայց պետք է հիշել նաև, որ որակազրկված է դարպասապահ Կլաուդիո Բրավոն, նա կարմիր քարտ է ստացել առաջին խաղում: «Բարսելոնայում» ի սպառ վերացած է պաշտպանությունը՝ Խերարդ Պիկե, Ժորդի Ալբա, Ալեիշ Վիդալ, Ժերեմի Մաթյե. ֆրանսիացին որակազրկված է, իսկ առաջին երեքը վնասվածքներ ունեն, ինչպես նաև Անդրես Ինիեստան: Իսկ ահա Իվան Ռակիտիչը և Արդա Թուրանը վերականգնվել են վնասվածքից ու այսօրվա հանդիպմանը պատրաստ են:

Ինչ վերաբերում է կազմերին, ապա այստեղ ես ինձ համար նշել եմ հետևյալը. Սերխիո Ագուերոն դուրս է գալու խաղադաշտ, ձախից խաղալու է Նոլիտոն, աջից՝ Կեվին Դե Բրույնեն: Սա ամենալուրջ կազմն է, որը Գվարդիոլան կարող է դուրս բերել: Խաղալու է նաև Դավիդ Սիլվան և առաջին խաղի գլխավոր անհաջողակ Ֆերնանդինյոն: Իսկ ահա պաշտպանության աջ եզրը ամենախնդրահարույցն է լինելու, որտեղ, ըստ երևույթի, պետք է խաղա Ֆերնանդոն:

«Բարսելոնայում» աջից Ռոբերտոն կխաղա, ձախից՝ բնականաբար Լուկա Դինը, կենտրոնում էլ Ումտիտին ու Մասկերանոն: Շատ էքստրեմալ պաշտպանություն է: Մնացածում ամեն ինչ կարգին է: Ռաֆինյան այսօր, իմ կարծիքով, դուրս կգա խաղադաշտ որպես կենտրոնական կիսապաշտպան, և հարձակվողական եռյակը նույնն է՝ Նեյմար, Սուարես, Մեսսի:

Ինչ վերաբերում է այսօրվա խաղադրույքին, ես բավական հակիրճ կլինեմ և միգուցե ոչ այդքան կոնսերվատիվ, ու կկանխատեսեմ «Բարսելոնայի» հաղթանակը, որի համար Vivaro ընկերությունն առաջարկում է 2,40 գործակիցը: Այնպես որ, խաղադրույք կատարեք Vivaro-ի հետ ու խաղացեք հաճույքի համար: