«Լիվերպուլ» – «Ռեալ»: Արթուր Պետրոսյանի կանխատեսումը
Քննարկենք Չեմպիոնների լիգայի նախորդ եզրափակիչի ռեմեյքը։ Այդ խաղում շատերի համար անսպասելի հաղթեց «Ռեալը»։ Սա Անչելոտիի ու Կլոպի 5-րդ դիմակայությունն է։ Կլոպին ու «Լիվերպուլին» դեռ չի հաջողվել հաղթել «Ռեալին»։
Ինչպես երևում է, «Լիվերպուլի» ճգնաժամն անցյալում է։ «Կարմիրները» հաղթել են նախորդ երկու խաղերում՝ սեփական դարպասը պահելով անառիկ։ Վերադարձել են Ժոտան ու Ֆիրմինոն։ Հիմա Յուրգեն Կլոպն ավելի շատ տարբերակներ ունի առջևի գծում։ Գերմանացի մասնագետն իր ձեռքի տակ ունի «նյութ», որը չկար մեկ ամիս առաջ։
«Ռեալի» հետ ևս ամեն բան կարգին է։ Անչելոտիի թիմը տարել է չորս անընդմեջ հաղթանակ՝ խփելով 15 գոլ։ Սակայն եղել են աշխարհի ակումբային առաջնության ու Լա լիգայի այնպիսի խաղեր, որտեղ մրցակիցները թոփ մակարդակի չէին։
Եթե խոսենք խաղի ելքի մասին, ապա բոլոր երեք տարբերակներն էլ հնարավոր են։ Հասկանալի է, որ «Լիվերպուլն» ագրեսիվ է գործելու «Էնֆիլդում», հատկապես՝ առաջին խաղակեսում։ Սակայն «Ռեալի» դեմ դա կարող է կործանարար լինել, քանի որ «Արքայական ակումբը» հրաշալի է գործում, երբ մրցակիցը բացվում է։
Կարծում եմ, որ երկու թիմերն էլ գոլ կխփեն այս խաղում։ Խաղի ելքի վերաբերյալ կանխատեսումից զերծ կմնամ։ Ուշադրություն կդարձնեի նաև կանոնների խախտումներին, որոնք «Լիվերպուլի» կատարմամբ ավելի շատ կլինեն։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: