«Լիվերպուլ» – «Մանչեսթեր Սիթի». Եգոր Տիտովի կանխատեսումը

Հանգստյան օրերի գլխավոր հանդիպումը։ Բոլորը սպասում են անհամբերությամբ։ Հետաքրքիր է լինելու դիտել երկու թիմերի դիմակայություն, որոնք ՉԼ-ի հիմնական ֆավորիտներից են։

Վերջին շրջանում, եթե հաշվի չառնենք գավաթային խաղերը, երկու թիմերի արդյունավետությունն էլ նվազել է։ Հնարավոր չէ բոլոր խաղերում ջախջախել մրցակցին ու մեծ ինտենսիվություն ցուցադրել միշտ։ Լինում են վնասվածքներ, ինչի պատճառով կորում է խաղացվածությունը։ Ողջ մրցաշրջանը նույն տեմպով խաղալ հնարավոր չէ։ Մենք տեսանք, որ այս շաբաթ ՉԼ-ում թե՛ «Լիվերպուլը», թե՛ «Ման․ Սիթին» չէին խաղում ուժերի ողջ լարումով։ «Լիվերպուլը» տանը համեստ հաշվով հաղթեց «Գենկին», «Ման․ Սիթին» ոչ-ոքի խաղաց «Ատալանտայի» հետ՝ 1-1։

Կարծում եմ՝ վառ հանդիպում է սպասվում։ «Սիթին» պաշտպանությունում խնդիրներ ունի։ Կադրային վիճակը թիմում լավ չէ։ Այդ իսկ պատճառով նրանք չեն փակվելու։ Խաղադրույք եմ կատարում, որ խաղում նվազագույնը 4 գոլ կխփվի։