«Լիվերպուլ» — «Լեսթեր». Կոնստանտին Գենիչի կանխատեսումը

«Լեսթերի» ելույթներն, անկասկած, զարմացնում են բոլորին: Թիմը Սուրբ ծննդյան տոներին կգնա առաջատարի կարգավիճակով: Վաղ թե ուշ ցանկացած շարք ավարտվում է: «Լեսթերը» վաղուց պարտություն չի կրել, բայց հիմա խաղալու է մի թիմի դեմ, որը վերջին խաղերը ձախողել է: Արդեն 3 տուր անընդմեջ «Լիվերպուլը» չի կարողանում հաղթել: Հատկապես ցավալի էր «Ուոթֆորդից» կրած 3:0 հաշվով պարտությունը: Վստահ եմ, որ «Լեսթերի» դեմ խաղում Յուրգեն Կլոպպը ինչ-որ բան կմտածի: Ես հետևել եմ կարմիրների գործողություններին «Ուոթֆորդի» դեմ խաղում և չէի ասի, թե հյուրերն այնքան վատ հանդես եկան, որքան հաշիվն է ցույց տալիս: Ինչ-որ բան չբավականացրեց «Լիվերպուլին» «Վեսթ Բրոմվիչի» դեմ խաղում: Եկել է «Լեսթերին» կանգնեցնելու պահը: Դա անելու համար «Լիվերպուլն» ունի բոլոր ռեսուրսները: Չմոռանանք, որ մերսիսայդցիները խաղալու են «Էնֆիլդում»:

Առաջարկում եմ խաղալ «Լիվերպուլի» հաղթանակի վրա: Կարծում եմ՝ 1.92-ը լավ գործակից է: Գիտեմ, որ «Լեսթերը» հյուրընկալվելիս 3:2 հաշվով հաղթել է «Էվերթոնին», ինչին քչերն էին սպասում, ինչպես նաև սեփական դաշտում հաղթել է «Չելսիին»: Կլաուդիո Ռանյերիի թիմը վաղուց չի պարտվել, և ընդհանրապես, այս մրցաշրջանում միայն 1 անգամ է զիջել հակառակորդին: Կարծում եմ, որ եկել է պարտվելու ժամանակը: Այո՛, Ռանյերին ասում է, որ թիմը ոչ մի ճնշում չի զգում և ֆուտբոլիստները հաճույք են ստանում, բայց ներքին ձայնս հուշում է, որ «Լիվերպուլը» կարող է կանգնեցնել ԱՊԼ-ի առաջատարին: