«Լիվերպուլ» – «Չելսի». Դենիս Կազանսկին կանխատեսում է ոչ ոքի
Բախվելու են Պրեմիեր լիգայի հաղթողի հավակնորդ երկու թիմեր։ «Լիվերպուլն» «Էնֆիլդում» ընդունելու է «Չելսիին»։ Բավականին լարված հանդիպում է սպասում։
Տուխելի գլխավորությամբ «Չելսին» շատ լավ տեսք ունի։ Գերմանացի մասնագետը թիմը գլխավորում է հունվարից և այդ ժամանակվանից մինչև այժմ լոնդոնցիներն ընդամենը երեք պարտություն են կրել։ «Թոշակառուները» հրաշալի են գործում՝ հատկապես թոփ թիմերի հետ դիմակայություններում։ Եթե վերցնենք առաջին վեցնյակն, ապա վերջին 8 հանդիպումներում «Չելսին» 6 հաղթանակ է տարել։
Տուխելը կարողանում է կոլեկտիվին տրամադրել մեծ խաղերի համար։ Կարծում եմ՝ նախորդ մրցաշրջանում «Էնֆիլդում» կայացած խաղը չեք մոռացել։
Ինչ վերաբերում է «Լիվերպուլին», ապա գլխավոր իրադարձությունն այն է, որ շարք է վերադարձել Վիրջիլ վան Դեյկը, նա կկայունացնի թիմի խաղը։ Կարծում եմ՝ «Լիվերպուլն» այժմ այնքան էլ խոցելի չի լինի, ինչ հոլանդացու բացակայության պայմաններում էր։
Մրցաշրջանը նոր է մեկնարկել և դժվար թե այս հանդիպումը որոշիչ լինի։ «Չելսիի» և «Լիվերպուլի» համար ուղղակի սկզբունքային է լինելու չպարտվելը, որովհետև առայժմ վաղ է չեմպիոնական մրցավազքի մասին խոսելը։ Ամեն դեպքում, այս մրցավեճը հետագայում կարող է ազդեցություն ունենալ միավորները հաշվելիս։
Շատ կարևոր է, որ առաջնության մեկնարկում ամեն ինչ նորմալ լինի։ Թիմերի համար նորմալ կլինի, եթե չպարտվեն, այսինքն՝ ոչ ոքի խաղան։ Կարծում եմ՝ նրանք արդյունավետ ֆուտբոլ կցուցադրեն և կբաժանվեն խաղաղությամբ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: