Ֆուտբոլային լրագրող և «Բուքմեյքերների ռեյտինգի» փորձագետ Արթուր Պետրոսյանը կանխատեսում է արել «Լիվերպուլ» – «Բրայթոն» Անգլիայի Պրեմիեր լիգայի 9-րդ տուրի հանդիպման վերաբերյալ:
«Բրայթոնն» առաջին հանդիպումն է անցկացնելու Գրեմ Պոտերի հեռանալուց հետո: Ռոբերտո Դե Ձերբիի նշանակումն առայժմ հանելուկ է: Որքա՞ն արագ իտալացի մասնագետին կհաջողվի թիմին իր ֆուտբոլը ներարկել, դժվար է ասել:
«Բրայթոնի» վիճակն այնքան էլ հասկանալի չէ: Երկու հետաձգված հանդիպումից հետո եղավ նաև միջազգային դադար: Այդ պատճառով էլ կասկածներ կան, որ հարավցիներն այդքան էլ լավ տեսք չեն ունենա մրցաշրջանի մնացած հատվածում:
Նեապոլում տեղի ունեցած թյուրիմածությունից հետո «Լիվերպուլը» կարևոր հաղթանակ տարավ «Այաքսի» նկատմամբ: Իսկ սա թույլ է տալիս հույս ունենալ, որ թիմն աստիճանաբար ուշքի է գալիս: Կլոպի լազարեթն առայժմ լի է, բայց Տիագոյի վերադարձը կլրացնի շատերի բացակայությունը: Իսպանացու հետ մերսիսայդցիներն ավելի ուժեղ են դաշտի կենտրոնում:
Ընտրում եմ «Լիվերպուլը» չի պարտվի և խաղի գոլերի տոտալը 3.5-ից քիչ խաղադրույքը: